Categories

اعلان

Loading…

ولسمشر غني د ناټو په سرمشریزه کې د ګډون لپاره بروکسل ته لاړ

تاند- د افغانستان ولسمشر محمد اشرف غني نن /سې شنبه/ بروکسل ته روان شو چې د ناټو په سرمشریزه کې ګډون وکړي.

د ارګ له خبرپاڼې سره سم، ولسمشر غني به د ناټو د مشرانو په غونډه کې وینا وکړي.

د افغانستان د حکومت اجرايي رييس عبدالله عبدالله هم د ناټو غونډې ته بلل شوی دی.

د ناټو سرمشریزه د روانې اوونۍ د پنجشنبې په ورځ د دې تړون د غړیو هیوادونو د مشرانو په ګډون جوړېږي.

د امریکا ولسمشر ډانلډ ټرمپ هم په دې سرمشریزه کې ګډون کوي.

په دې غونډه کې به په افغانستان کې د ناټو ځواکونو د حضور د دوام، له افغانستان سره د ناټو د غړیو د ژمنو، د ناټو او نورو هیوادونو د مالي او پوځي مرستو په وړاندې د افغانستان د حکومت د ژمنو او د افغانستان د سولې او پخلاینې پر لرلید خبرې وشي.

16 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *