Categories

اعلان

Loading…

طالبان دې د یوه سرتاسري ولسي پاڅون منتظر وي

افغان ګل بې ګناه ||

د دیني عالمانو د سولې له فتوا او د اختر له اوربند وروسته د طالب مشرانو له پاشلو څرګندولو داسې ښکاري چې نور له ایډيالوژیکي پلوه د دوی ملا ورماته شوې او کرار کرار ولس سره لانجې ته ټېل وهل کېږي.

طالب مشران په دې وروستیو کې د سولې کاروان چې یو خودجوشه او بېطرفانه حرکت دی، هغه یې د امریکایانو دسیسه وبلله، ورپسې یې ټولو دیني عالمانو ته ګواښ وکړ چې د جګړې او سولې په اړه دې د نظر له څرګندولو ډډه وکړي او هغه کسان چې دا کار کوي، له امریکایانو یې پیسې اخیستې دي.

طالبان چې له لومړي سره یوه مختنقه ډله ده، پخوا به یې د داسې مختنقو اعمالو او څرګندولو په وړاندې خلکو یو څه زغم درلود، خو اوس خلک ورته نه صبر کوي او نه یې داسې خبرې توجیه کېدای شي. دا ځکه چې له یوه پلوه د نړۍ دیني عالمانو په اندونیزیا، ورپسې په کابل او ان د مکې معظمې خطیب په افغانستان کې جګړه ناروا بللې او له بل پلوه افغان حکومت طالبانو ته د سولې ځولۍ غوړولې او دا له دیني پلوه د طالبانو موقف یې سخت ننګولی دی. ځکه د دیني ارشاداتو پر اساس که اوس طالبان له افغان حکومت سره سوله نه کوي، نو په ټول ملت واجب ګرځي چې په طالبانو پسې سوټی راواخلي او تر هغه یې وډبوي چې سولې ته غاړه کېږدي.

که طالبان د خلکو په سرونو سرې سوداګرۍ په سر اخیستي او د ناروا پیسو ګټلو ورته خوند ورکړی وي، خو ملت نور له جګړې ستړی دی او له خپل دین نه چاته تېرېدای نه شي.

یو سورپ لېونی به نور دا خبره ونه مني چې د طالبانو د جګړې په ناروا بللو کې یو څوک دې خطا وتی وي او یا دې له امریکا اغېزمن وي او د پیسو په بدل کې دې داسې څرګندونې کوي، بلکې د الله ج کلام په دې ګواه دی او فرمایلې یې دي، چې مسلمانان سره وروڼه دي، که د دوی په منځ کې جګړه راغله نو ترمنځ یې سوله وکړئ، که یو اړخ سولې ته غاړه نه ږدي نو ورسره وجنګېږئ، تر هغه چې سولې ته غاړه کېږدي او فتنه ختمه شي.

اوس د طالبانو دا رنګه اوتې بوتې او تهمتونه، هېڅ یو افغان له خپلې دینې وجیبې لاس په سر کولای نه شي او طالبان دې په نږدې راتلونکې کې د خلکو او ولس سرتاسري پاڅون ته منتظر اوسي.

ایا څوک به دا ومني چې د نړۍ ټولو دیني عالمانو دې له امریکا پیسې اخیستې وي او د طالبانو پرضد یې فتوا ورکړې وي، دا د طبیعیت خلاف او غیرعملي کار دی. خو چې خپله د طالب په اوړو کې دې شګه وي او د اسراییلو په شمول دې د نړۍ د تروریستي سازمانونو پیسې جېب ته کوي، نو په بډو د بل چا په تورنولو یې څوک باور کولای شي.

طالبان کله سپین چرګان دي او خپله جګړه دې د خپل ساخت د فابریکو په وسلو او پیسو کوي، دوی خو خپله جګړه هم د یهودو او نصاراوو په پیسو او وسلو کوي او مسلمانان پرې وژني.

د طالب مشرانو او د هغوی د فتواګرو پاکستانیو ملایانو ګمراهي او له افغانستان او مسلمانانو سره یې دښمني له چا پټه نه ده او هغه سوداګري هم له چا پټه نه ده چې په پاکستانیو مدرسو کې د یهودو او نصاراوو په پیسو روانه ده.

طالبان باید په وازو غوږونو واوري چې نور وخت له دوی سره نه دی، ابتکار د عمل یې له لاسوه وتلی، انې بهانې دې پرېږدي او ژر تر ژره باید د سولې خبرو ته کېني.

د دوی خو اوس هغه لویه غوښتنه او بډو ته د پټې سترګې ارمان هم ورپوره شو، چې ویل یې له افغان حکومت سره خبرو ته نه کېني بلکې له امریکایانو سره خبرو ته کېني، اوس امریکايي چارواکو د طالبانو دغه مړه تبه هم وردرمل کړه او اعلان یې کړه چې له افغان حکومت سره د طالبانو د سولې په خبرو کې د دوی استازي هم ورکېني او د سولې په لار کې که په نړیواله کچه کوم خنډونه وي هغه به له منځه وړي او سولې ته به لار هواروي.

دا به د طالبانو لوی کم بختی او رسوايي وي چې له سولې غاړه وغړوي او د پاکستانۍ کلدارو په خوند کې له خپل ولس او دین سره جفا او خیانت وکړي، نو د الله ج له قهر او غضب سره به مخامخ شي چې فرمایلي یې دي: څوک چې له دین او مسلمانانو سره جفا او خیانت وکړي، نو الله ج به هغه کس په دنیا کې رسوا او وشرموي او په اخرت کې به هم ورته لویه جزا ورکړي.

237 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2