Categories

اعلان

Loading…

بزغلی/اجمل پسرلی

پاول بوټي ږدول. لیندا خپل طلایي ویښته په قیدک کې بندول. پاول پرته له دې چې دې ته وګوري خپلې اوږدې څڼې پر مړوند د غوږ شاته واړولې:

-له پخوانۍ میرمنې سره به مې هر کال ویل چې نوي ګلان به تجربه کوم

 لیندا له ګلانو مخ واړاوه. پاول د زیړ ګل د بزغلي بیخ ته خاورې ورپورې وهلې، په ستمي یې وویل:

– څو ځله مې نوي تخمونه هم راپيدا کړو خو ژوند چې رنګین نه وي ارمان دې نه پوره کیږي

-په فیسبوک کې دې د ګلانو پټی لوی ښکاریده، کوچینی کړی دې دی؟

پاول رنده پر مځکه ووهله هغه لکه ودریده:

– زړه مې کیده چې سره ګلان هم کیږدم خو..

– سره او زیړ سره ښه ښکارې

-ژوند په رنګ ولاړ دی که رنګ والوت ژوند والوت

-د همدې لپاره دې کور څو رنګه رنګولی

پاول لاسونه له خاورو  وڅنډول، د کوټو خوا ته یې لاس ونیو:

-هاغه پورته بالکون ته ګوره هلته مې زړه غوښتل چې یوه کوټه جوړه کړم، رنګارنګ یې ورنګوم

لیندا عینکي لرې کړې، خپلې زرغونې سترګې یې وموښلې. پاول د کور پر زینو پل کیښود، دروازه یې پرانیسته:

-پخوا مې ویل چې دغه سالون هم دوه متره پراخوم

لیندا څټ وګیراوه. پاول د سپینو واینو ګیلاسونه ډک کړل. د کوټې دننه یې انځور ته لاس ونیو، رنګه رنګه کرښې پکې ایستل شوې وې:

-دغه ژوند دی

-د دې څه معنا؟

پاول د واینو ګیلاس د لیندا له ګیلاس سره وجنګاوه، کټ کټ په خندا شو:

-معنا به ته پکې لټوې.

لیندا بهر د زیړو ګلانو  بزغلیو ته وکتل چې سرونه یې ځړیدل.

پراګ

42 total views, 15 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *