Categories

اعلان

Loading…

چارواکي په وردک ولایت کې د ۸۰ سرتېرو د یرغمل کېدو ادعا ردوي

تاند- د میدان وردک ولایتي اداره د دغه ولایت په جلرېز ولسوالي کې د ۸۰ امنیتي سرتېرو د اسارت او د ۱۴ پوستو د سقوط ادعا ردوي، وايي چې پر دې ولسوالي د طالبانو حمله له ماتې سره مخامخ شوې ده.

د میدان وردک د والي ویندوی وايي چې طالبانو له شاوخوا ولایتونو او حتي هلمند څخه په سلګونو جنګي کسان راوستي وو چې جلرېز ولسوالي ونیسي خو له مرکز څخه د جګړې سیمې ته د هوايي او مځکني ځواک د رسېدو له کبله طالبان له ماتې سره مخامخ شول.

تر دې وړاندې د میدان وردک د ولایتي شورا دوو غړیو په جلرېز ولسوالي کې د ۸۰ امنیتي سرتېرو د برمته کېدو او د طالبانو لاس ته د ۱۴ پوستو د لوېدو خبر ورکړی و.

د میدان وردک د ولایتي شورا غړیو سردار بختیاري او احمد جعفري ډي پي اې خبري اژانس ته نن /شنبه/ وویل، طالبانو په جلرېز ولسوالي کې له لنډې نښتې وروسته لږترلږه ۱۴ پوستې او په هغو کې موجود سرتېري ونیول.

د میدان وردک ولایتي اداره وايي چې نه یوازې طالبانو کوم امنیتي سرتېري یرغمل کړی نه دی بلکې د هیڅ پوستې یا سیمې په نیولو بریالي شوي هم نه دي.

6 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *