Categories

اعلان

Loading…

عبدالله عبدالله رسماً ځان ولسمشرۍ ته کاندید کړ

تاند- عبد الله عبدالله، چې پرون یې د حزب اسلامي د ارغندیوال له ډلې سره انتخاباتي موافقه لاسلیک کړه، نن د انتخاباتو خپلواک کمیسون ته مراجعه وکړه او رسماً یې ځان کاندید کړ.

پرون د حزب اسلامي د ارغندیوال د ډلې او اسلامي جمعیت ترمنځ د یوې موافقې پر اساس انجنیر محمد خان په راتلونکو انتخاباتو کې د عبد الله عبدالله د لومړي مرستیال په توګه معرفي شو.

عبد الله عبدالله، له بسم الله شېر وروسته دوهم کاندید دی چې د انتخاباتو خپلواک کمیسون ته مراجعه کوي او رسماً ځان کاندیدوي.

د ولسمشرۍ او ولایتي شوراګانو د انتخاباتو د کاندیدانو د نوم لیکنې بهیر د سنبلې په څلرویشتمه پیل شوی او د روان میزان تر څوارلسمې دوام کوي خو په داسي حال کې چې د نوم لیکنې د بهیر لپاره ټاکل شوې مودې ته یوازې پنځه ورځې پاتې دي له ښاغلیو شېر او عبدالله پرته بل چا ځان نه دی کاندید کړی خو پرون اشرف غني احمدزي اعلان وکړ چې ژر به ځان ولسمشرۍ ته کاندید کړي.

عبد الله د ځان له کاندیدولو وروسته په یوه لنډه وینا کې وویل چې دی د جمعیت، حزب اسلامي او ملي ايتلاف د ګوندونو ګډ کاندید دی.

عبدالله وویل چې د فساد د مخنیوي لپاره به هلې ځلې وکړي او د ملت، دولت او نړیوالې ټولنې ترمنځ واټنونه به لږ کاندي.

په همدې حال کې د انتخاباتي اتحاد یوه ویاند فیض الله ذکي وویل چې د عبدالله له نومونې سره نور دا اتحاد له منځه تللی دی.

د ولسمشرۍ د انتخاباتو د نومونې لپاره کاندید ته پکار ده چې د یولک تنو رای ورکوونکو کارتونه د ټولټاکنو کمیسون ته د خپل ولسي ملاتړ د ثابتولو په توګه وړاندې کړي او یو ملیون افغانۍ د دغه کمیسون بانکي حساب ته د ضمانت په توګه ادا کړي. که هر کاندید د ټولو اچول شویو رایو په سلو کې لس ترلاسه نه کړای شوې، ضمانت یې سوځي.

عبدالله عبدالله د ولسمشرۍ په تېرو انتخاباتو کې(۱۳۸۸ل – ۲۰۰۹ م) له ولسمشر کرزي وروسته زیاتې رایې ترلاسه کړې وې خو کله چې ټاکنې دوهم پړاو ته وغځېدې، عبدالله عبدالله له دوهم ځلي انتخاباتو تېر شو او کرزی د یوازیني کاندید په توګه بریالی شو.

571 total views, no views today

2 comments

  1. ګرانی Reply

    دمور شدی دی سه چی خپله دی ځان اعلاکړ اوس به معلوم شی چی کوم دنرزوی ولس مشرجوړیږی اوس باید هر افغان که دننه په افغانستان کښی وی اوکه بهر له افغنستانه وی باید خپل کاندید ته ځغرده اوخوحالی اونرتوب سره رایه ورکړی
    زړی خبری به هیروی وړنو دتنظیمو په وخت کښی زموږ سره دومره فوج اوقوت نوو ځکه هر سړی خپله بابولاله ویل دنن اوهغه
    وخت دانسانانو هم ډیر فرق شته هغه وخت کښی څومری هوصیله وه دنن زمانی انسانان په یوسوسته رسی کښی راګیردی دونیا وال غوبل په کوی که رسی بری سوه بیابه پرشل ټوټی سره تقسیم شو نوریوپبل ورورپوسی بوهتان پریږیدی تاسودنوروملکنو ولس مشران وګوری یوخت غل وی اوبدماش وی بل وخت ولس مشرټول خلګ یی احترام کوی چی څوک بد ورپسی ووایی خوله یی ورماتوی زموږ دافغانانوده په جوال قرآن ولی ده

  2. mail Reply

    هغو دری قصابانو چی د کابل ښار پنځه شپيته زره بیګناه انسانان په ګډه سره ووژل دادی بیا یی خپلی اصلی څهری د افغانستان مسلمان اوغیرتی خلکو ته ور وښودلی او دوی تیاری وښود چی دا ځل به د پنځه شپيتو زرو پر ځای شپږ نیم میلیونه نور بیګناه خلک ووژنی او د نړۍ د مشهورو سادیستانو او قاتلینو په جمله کی به خپل ریکارد ټینګ کړی.

Leave a Reply

Your email address will not be published. Required fields are marked *

۸