Categories

اعلان

Loading…

د هلمند د سولې د ننګیالیو کاروان د کابل ښار کمپنۍ سیمې ته راورسېد

تاند – د هلمند ولایت له مرکز لښکرګاه څخه را روان شوی د سولې د ننګیالیو کاروان نن دوشنبه /د غبرګولي ۲۸مه/ سهار وختي د پلازمېنې کابل د کمپنۍ سیمې ته راورسېد.

هغوی د عبدالعلي خان کلا سیمې په یوه جومات کې اړولي چې له پلي مزل څخه وروسته او پلازمېنې ته له داخلېدلو څخه مخکې یو څه د ارام ساه واخلي.

د هلمند د سولې د حرکت ۸ تنه غړی د غوایی په ۲۳مه د هلمند ولایت له مرکز لښکرګاه څخه را روان شول او کندهار ته په را رسېدلو سره ۷ تنه د سولې نورفعالان هم ورسره یوځای شول. وروسته په زابل، غزني او میدان وردک ولایتونو کې نور کسان هم ورسره یوځای شول.

د کاروان یوه برخه وال، چې نه یې غوښتل نوم یې یاد شي، تاند ته وویل، چې د سولې د ننګیالیو د کاروان هغه برخه وال چې تر کابله را رسېدلي ۱۱۰ کسان دي.

هغوی به چې ویل کیږي د کابل ښار یو شمېر مدني فعالان یې بدرګې ته ور روان دي،‌ د سهار د لمانځه له ادا کولو څخه وروسته په پلازمېنه کابل کې یوه مشخص ځای ته، چې نه غواړي د امنیتي دلایلو له امله یې رسنیو ته ووایي ځانونه رسوي او هلته به خپل پروګرام ترسره کوي.

د هلمند د سولې د حرکت غړو خپل مدنی حرکت د وری په ۴مه د هلمند په مرکز لښکرګاه کې له یوه لوبغالی څخه بهر د یوې چاودنې په سبا شروع کړ او د پرلت په ۵۰مه ورځ یې یو شمېر غړو د کابل په لوری پلی تګ پیل کړ او له ۳۵ ورځو پلي مزل څخه وروسته نن پلازمېنې کابل ته را ورسېدل.‌

31 total views, 3 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *