Categories

اعلان

Loading…

ولسمشر غني د پاکستاني طالبانو د مشر وژل کېدا تایید کړه

تاند- د افغانستان ولسمشر محمد اشرف غني د پاکستاني طالبانو د مشر ملا فضل الله وژل کېدا تایید کړه.

ولسمشر غني د جمعې په ورځ ناوخته /جون۱۵/ په یوه ټویټري پیغام کې د کونړ ولایت په مروره ولسوالي کې د پاکستاني طالبانو د مشر وژل کېدا تایید کړې او هغه یې د کابل او اسلام اباد ترمنځ د اعتماد جوړولو لور ته یو لوی ګام بللی دی.

ولسمشر غني دا هم ویلي چې په دې اړه یې د پاکستان له موقت صدراعظم نصیرالملک او د پاکستان د پوځ له لوی درستیز جنرال قمر جاوید باجوه سره خبرې کړي دي.

د پاکستان پوځ هم د جمعې په ورځ اعلان وکړ چې د افغانستان ولسمشر له قمر باجوه سره د ملا فضل الله د وژل کېدو په اړه خبرې کړي دي.

ولسمشر غني ویلي«د ده وژنه د افغانستان د امنیتي ادارو په مشرۍ د نه ستړې کېدونکو استخباراتي هلوځلو نتیجه ده.»

ولسمشر غني دا هم ویلي چې د پاکستان له صدراعظم او د پوځ له لوی درستیز څخه یې په کلکه وغوښتل چې دوی دې هم په پاکستان کې مېشت افغان طالبان د سولې د خبرو مېز ته راولي.

تر دې وړاندې د امریکا پوځ ویلي و چې بې پېلوټه الوتکو یې د پنجشنبې په ورځ /جون ۱۳/ د کونړ په مروزه ولسوالي کې د پاکستاني طالبانو مشر په نخښه کړی دی.

پاکستاني طالبانو تراوسه پورې څه نه دي ویلي.

پاکستاني طالبان، چې د افغانستان، امریکا او پاکستان له لوري پر له پسې تر فشار لاندې دي، اکثره مشران له لاسه ورکړي او سخته ځپل شوي دي.

88 total views, 1 views today

onesignal_meta_box_present:
1
onesignal_send_notification:

2 comments

  1. Afghan Reply

    محترم اشرف غنی صاحب.که چیری د مولوی صاحب په شهادت ،له پاکستان څخه سوله غواړی دا هیله تمه له پاکستان فوځ څخه مه کوه،د پاکستان طالیب یی در باندی شهید کړ،او افغان طالیبانو ته پاکستان فوځ د عید جشنونه ،په اسلام اباد کی برابر کړی دی.په تا یی وژنی،او تاته یی چاغوی،

  2. متین Reply

    د افغانستان دولت باید د پاکستانی طالبانو د مشر په وژلو کی مرسته نه وای کری او هغه یی د یو فشار ذریعه د پاکستان په مقابل کی کارولی وای پا کستان هسی هم د افغانستان په سوله کی مرسته نه کوی او هر وار یی د افغانستان حکومت ته دوکه ورکری
    اوس چه وژل شو باید د منظور ملاتر وکری

Leave a Reply

Your email address will not be published. Required fields are marked *