Categories

اعلان

Loading…

په کابل کې انتحاري حملې لږترلږه ۱۲ شهیدان او تر ۳۰ ډېر نور ژوبل کړل

تاند- په کابل کې د کلیو د پراختیا او بیارغونې وزارت په دروازه کې په یوه انتحاري حمله کې لږترلږه ۱۲ تنه شهیدان او ۳۱ نور ژوبل شوي دي.

انتحاري نن /دوشنبه/ د ماسپښین په یوه بجه داسې مهال ځان والوزاوه چې د دې وزارت کارکوونکي په بس کې خپلو کورونو ته روان ول.

داعش تروریستي ډلې د دې برید مسوولیت په غاړه واخیست.

د روغتیا وزارت ویندوی وحید مجروح رسنیو ته وویل چې روغتونونو ته د ۱۲ تنو مړي او ۳۱ ټپیان رسول شوي دي.

پولیسو او د روغتیا وزارت سرچینو وویل چې چاودنه د کلیو د پراختیا او بیارغونې د وزارت په لویه دروازه کې وشوه. د دغه وزارت ویندوی فریدون اژند فرانس پریس خبري اژانس ته وویل چې د انتحاري برید په مهال په خپله په وزارت کې و.

ده وویل، د وزارت مامورین په عمومي دروازه کې راټول شوي وو او بس ته یې انتظار ایست چې ځانمرګي ځان والوزاوه.

یوه بل مامور فرانس پریس اژانس ته وویل«زه په ودانۍ کې وم چې زوروره چاودنه وشوه. اکثره همکاران مې وتلي ول چې کورونو ته لاړ شي. سخت اندېښمن یم. موږ ته ویل شوي چې د وزارت له ودانۍ ونه خوځو.»

د کورنیو چارو وزارت ویندوی نجیب دانش رویټرز خبري اژانس ته ویلي چې په وژل شویو کې د کلیو د پراختیا او بیارغونې عادي مامورین، ښځې او ماشومان شامل دي.

تر دې مخکې نن په ننګرهار کې په دوو جلا انتحاري حملو کې لږترلږه ۲۴ تنه ژوبل شوي دي.

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *