Categories

اعلان

Loading…

د طالبانو معقوله فیصله | شفیق اندړ

د اختر په ورځو کې د طالبانو د اوربند اعلان د افغانستان خلک خوشحاله کړي دي. هره هغه سیاسي ډله چې د افغانستان خیر وغواړي او د افغانستان د خلکو له ارزو سره سم اقدام وکړي، اقدام یې معقول دی او ستاینه یې پکار ده.

 له بلې خوا د منځنۍ او جنوبي اسیا لپاره د امریکا استازې لیزا کرټس ویلي دي چې دغه هیواد دې ته چمتو دی چې د افغانانو په مشرۍ او مالکیت د سولې په خبرو کې برخه واخلي او له طالبانو سره مذاکرې ته کښېني.

 طالبانو له مودو راهیسې په دې خبره ټینګار کاوه چې د سولې خبرې باید له امریکا سره وکړي، ځکه د دوی په نظر اصلي جنجال د امریکا حضور دی او دا امریکا ده چې اصلي صلاحیت لري.

 امریکا تر اوسه پورې د طالبانو د دې غوښتنې له منلو ډډه کوله خو اوس چې یې له طالبانو سره د سولې په خبرو کې د شرکت فیصله کړې ده، په حقیقت کې د سولې د مذاکراتو د پیل په لور یو مهم ګام اخیستل شوی دی.

 طالبان، د افغانستان حکومت، امریکا، ګاونډیان او د افغانستان په قضیه کې ښکیل نور لوري د مسایلو په اړه خپل خپل دلایل لري خو هغه څه چې د افغانستان اصلي او برحقه مالکان یعنې د افغانستان خلک پسې ګرځي، هغه د دوی تر منځ د حق او ناحق معلومول نه دي، بلکې د دوی په خپل کور یانې افغانستان کې سوله ده.

 یو وخت چې په افغانستان کې تنظیمي جګړې وې او په خلکو باندې بده ورځ وه، نو له محدود شمیر کسانو پرته چې شخصي ګټې یې وې، نورو ټولو د طالبانو د حکومت ملاتړ وکړ. د ملاتړ اصلي علت دا و چې افغانانو غوښتل چې په خپل وطن کې د انسانانو په څیر ارام ژوند ولري او ارام ژوند ته د رسېدو لپاره د طالبانو تحریک تر تنظیمونو ښه ورښکارېده.

 د بن له کنفرانسه وروسته هم چې اکثرو خلکو د نوي نظام ملاتړ پیل کړ، علت دا نه و چې په امریکا یا کرزي یا بل چا میین وو، علت دا و چې خلکو خپل خیر غوښت او خیر یې په امن او ترقي او ابادي کې وو.

 خلک نه د طالب دښمنان دي، نه د بلې کومې ډلې. د افغانستان خلک غواړي چې د عزت ژوند ولري. د عزت ژوند په دې مانا چې اولاد یې د کسب او کمال خاوندان شي، د سولې په برکت د حلالې ډودۍ د ګټلو فرصت پیدا کړي، په ارام ذهن عبادت وکړي، د قانون په چوکاټ کې د یو بل د منلو او زغملو امکان ومومي او له نړۍ سره د ښو اړیکو په مټ افغانستان ته مرستې راجلب کړي.

 خو برعکس، تر هغو چې جګړه روانه وي، د خلکو لپاره هیڅ خیر نشته. همدا اوس د بدمرغې جګړې له برکته زموږ کلي او ښارونه له لکونو معیوبانو ډک دي، د جنګ او کوکنارو د لعنت په وجه په لکونو ځوانان پوډریان دي، د جنګ د مصیبت له لاسه په لکونو میندې د لیونتوب تر حده رواني تکلیفونه لري، د جګړې او ناامنۍ په وجه د دې وطن سرمایې دوبۍ او کراچۍ او اروپا ته انتقالیږي او د وطن په کانونو او نورو شتمنیو باندې تالان ګډ دی.

 څو موده له مخه طالبانو په رسمي ډول وویل چې جنګ د حل لاره نه ده نو چې د طالبانو نظر هم دا دی، ولې د افغانستان خلک ومري؟ ولې د افغانستان د خلکو دربدري ادامه ومومي؟

 له بلې خوا، که طالبانو د سولې خبرو ته تیار شي، امریکا به هم د نظامي حضور تر ټولو لوی دلیل له لاسه ورکړي. طالبان باید په وهم کې ونه اوسي او حقایقو ته سترګې پرانیزي. امریکا خو صرف هغه وخت په افغانستان باندې لشکر کشي وکړه چې نیویارک کې په زرګونو کسان ووژل شول او دا کسان هغه تنظیم ووژل چې مشر یې یعنې اسامه بن لادن د طالبانو میلمه و. اسامه که له افغانانو سره نامردي نه کولای نو له امریکا سره به یې خپله دښمني د مظلوم افغانستان له خاورې څخه نه کوله او طالبانو که سیاسي پوهه او تجربه لرلای نو د اسامه د سر د ساتلو لپاره به یې د لکونو افغانانو ژوند ته خطره نه جوړوله او پردۍ دښمنۍ به یې افغانستان ته ته راوړلې.

 تیرو پیښو ته له اشارې څخه منظور دا دی چې امریکا په خپله افغانستان ته نه ده راغلې، بلکې د غلطو سیاستونو په وجه په لوی لاس راوستل شوې ده.

  دا خبره په یقین سره کولای شو چې که طالبان د مذاکراتو په میز باندې د ستونزو د حل لاره خپله کړي، د امریکایي عسکرو د وتلو چانس حتمي کیږي خو برعکس که د پټو سترګو جنګ ته ادامه ورکړي نو یوازې افغان وژل او مسلمان وژل به ادامه مومي. امریکايي عسکر که د ځان لپاره خطره احساس کړي نو د طالبانو په خلاف جګړه یوازې د هوا له لارې هم جاري ساتلای شي. دا خو یوازې د افغانستان خلک دي چې د  دې بدمرغې جګړې اصلي قربانیان دي. د سولې په لور د طالبانو هر ګام به په امریکا او افغان حکومت باندې فشار څو چنده زیات کړي چې د خبرو له لارې د ستونزو حل ته چمتو شي.

239 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2