Categories

اعلان

Loading…

د امریکا د بهرنیو چارو وزیر د پاکستان له لوی درستیز سره پر افغانستان خبرې وکړې

تاند- د امریکا د بهرنیو چارو وزیر مایک پامپیو او د پاکستان د پوځ لوی درستیز جنرال قمر جاوید باجوه د امریکا او پاکستان پر دوه اړخیزو اړیکو او د افغانستان په اړه خبرې وکړې.

د امریکا د بهرنیو چارو وزارت ویاندې هیدر ناوریرت وايي چې د دغه هیواد د باندنیو چارو وزیر پرون /چهارشنبه/ د پاکستان د پوځ لوی درستیز ته ټېلفون وکړ.

دې همداراز وویل چې دواړو خواوو د جنوبي اسیا د ستراتیژۍ، له توپیره پرته د ټولو تروریستي او افراطي ډلو پر ضد د اقدام پر اهمیت خبرې وکړې.

دا د مې له میاشتې را په دې خوا، چې دوو هیوادونو د یو بل د دیپلوماتانو پر سفرونو محدودیتونه ولګول، د امریکا او پاکستان د جګپوړو چارواکو لومړنی تماس دی.

د امریکا او پاکستان اړیکې په وروستیو کې ترینګلې شوي دي. امریکا له پاکستانه غواړي چې په خپله خاوره کې د طالبانو او حقاني شبکې پناهځایونه بند کړي.

متحدو ایالتونو په همدې لړ کې پر پاکستان د فشار راوړلو لپاره دې هیواد ته مالي او پوځي مرستې کمې کړي دي.

امریکا له پاکستانه په کلکه غواړي چې په خپله خاوره کې د حقاني شبکې او طالبانو پر ضد اقدام وکړي.

پاکستان د افغانستان په جنګ او سوله کې مهم رول لري.

دې هیواد په ۲۰۱۵ م کال د لومړي ځل لپاره اسلام اباد ته نژدې په مري ښارګي کې د افغانستان د حکومت او طالبانو د مخامخ خبرو امکان برابر کړ خو له هغه راوروسته د سولې د خبرو لپاره پاکستان د افغانستان او امریکا غوښتنې عملي کړي نه دي.

513 total views, 1 views today

onesignal_meta_box_present:
onesignal_send_notification:

1 comment

  1. ع.شریف زاد Reply

    سلام

    جنګ او سوله ځا نګړی تعریف ،مانا او مفهوم لری امریکا په سیمه کی د لومړی ځل لپاره
    دلته دخپل سیاسی دریځ او خپلو ګټو به لټه کی نه ده بلکی د څو لسیزو را په دی خوا
    دلته د رو سانو په وړاندی ، ایران ،خلیج نورو هیوادونوکی د افغا نستا ن له ملی حاکمیت،خپلواکی، لانجی او جنجالونو نه اوچت اهداف لری اصلا امریکا ددغه سیاست جوړولو لپاره په خپله افغا نان د یوه الګو په ډول وکارول دالری ، القاب او پټی اوښکاره مشوری یی ورکړلی او په دوهمه برخه کی د پاکستان فوځی حکومت له ای اس ای د روسا نو په شړلو کی هم مرستی تر لاسه کړی ناکام او خیاالی کمونیزم یی په شرمو وشرماوه .په لویدیځ کی دتروریستی او افرا
    طی نوی واژه او ډلو پرضد مبارزه او اقدام د سیا ست بله برخه ده. په یوه اسلامی ټولنه کی باید له افراط او تفریط نه ډډ ه وشی دروغی جوړی خلاف کار هم دی سوله یی هم مخالفه ده په بیګناهو مسلما نانو دغه نوم ونه تبل شی ډیری مسلما نان له سیا ست سره کار نه لری او نه دقدرت علاقمندان دی
    امریکا او پاکستان د افغا نستا ن کړکیچ پخوا نی ملګری دی ښه دی او که بد بحث پر دی نه دی پوښتنه داده چی افغا نستا ن غواړی او که نه ؟ دا ستره موضوع ده څواړخیزه ل جهت او لورلری شرایط او د سوللی مکاننیزم ته لاره برابرول باید د سولی اصولو رامنځ ته شی نه ګواښ ، فشار او نا وړه احساساتی هیا هو بګیر او نمانن
    دافغانستان دولس غوښتنو ته امریکا ا و دناتو غړی له هوایی لافو او شا بو نه لاس واخلی او د سولی را
    وستلو لپاره د پاکستان د ګا ونډیتوب اسلامی موقف په سیمه کی د یوه فعاله هیواد په توګه کار واخیستل شی به زور یارانه نه کیږی او نه امکان لری .پاکستان د تنظیمونو بنسټګر لاهم لاس او پښی لری
    په پای کی تر څوچی عملی ګا مو نه د سیا ست بوهی په رنا کی په مخلصا نه ډول پورته نه شی په میډیا کی ددواړو بهرنیو چارو وزیرانو خبری اتری په یخ لیکل او لمر ته ایښودل دی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2