Categories

اعلان

Loading…

وسله والو طالبانو د پکتیا په ۲ ولسوالیو کې ۲۲ ښوونځي بند کړي

خبریال: ساحل منګل- وسله والو طالبانو د پکتیا ولایت په سیدکرم او احمدابا ولسوالیو کې ( ۲۲ ) ښوونځي په دې پلمه تړلي چې حکومت دې ښوونځيو ته پام نه دی کړی او ماشومان په زده کړو کې ستونزې لري.

د سیمې قومي مشران او د ولایتي شورا غړي هم تاییدوي چې وسله والو طالبانو ښوونځي بند کړي دي.

دوی وايي چې دا ستونزه یې له ولایتي ادارې او د پوهنې له ریاست سره شریکه کړې، خو هغو تر اوسه په دې برخه کې کوم اقدام نه دی کړی.

د پکتیا د پوهنې ریاست مسولان بیا د دې موضوع په اړه له رسنیو سره له خبرو کولو ډډه کوي، خو ولایتي اداره وايي، د موضوع په اړه به پلټنه وکړي.

د پکتیا د والي ویاند عبدالله حسرت له رسنیو سره په خبرو کې وویل، ولایتي اداره په دې هڅه کې ده چې د تړل شویو ښوونځیو د بېرته پرانیستلو لپاره اقدامات وکړي.

نوموړي دا هم وویل چې د شل ښوونځيو لپاره تدارکاتي چارې بشپړې شوي او په لنډ وخت کې به پرې د ترمیم کار پيل شي.

قومي مشر ګل آقا وايي، د سیدکرم او احمد ابا ښوونځي له څو ورځو راهیسې بند دي او د خلاصون لپاره یې خبرو تراوسه نتیجه نه ده ورکړې.

د پکتیا د ولایتي شورا غړي محمد رحمان قادري وویل، چې وسلوالو طالبانو له څو ورځو راهسې ۲۲ ښوونځي تړلي او د سیمې خلکو ته یې ویلي چې دا ښوونځي یې په دې خاطر تړلي چې د پوهنې ریاست ورته توجه وکړي.

طالبانو په تېرو ۱۷ کلونو کې په جنوبي او حتیځو ولایتونو کې په سلګونو ښوونځي بند کړي، سوځولي او یا ویجاړ کړي او دغه راز یې د زرګونو نویو ښوونځیو د جوړېدو مخه نیولې ده.

په وروستیو کلونو کې دا ډله د خلکو د فشار له کبله له ښوونځیو سره د پخوا په شان دښمني نه کوي، خو په د ښوونځیو د فعالیت د مخنیوي لپاره رانګارنګ پلمې جوړوي. د ښوونځیو په فعالیت کې د طالبانو خنډ جوړونې سبب شوي چې په دې سیمو کې تعلیمي سویه ټیټه شي او پوهنتونونو ته له دغو سیمو لږ کسان بریالي شي.

د ملګروملتو د ماشومانو د ملاتړ د ادارې یونسیف له وروستي راپور سره سم په وروستیو کې نیمايي افغانان، په تېره بیا نجونې د امنیتي وضعیت د خرابېدو له کبله له زده کړو بې برخې شوي دي.

301 total views, 1 views today

onesignal_meta_box_present:
1
onesignal_send_notification:

1 comment

  1. عمر Reply

    ټالیب د پنجاب د لاس آله او مزدور دی. هغه له علم او پوهې نه کرکه لري. هغه د علم او قرآني ارشاداتو مخالف دی .
    زمونږ د مقدس دین په لارښود او لومړني ښوونکي جناب حضرت محمد ص لومړنی نازل شوی آیت د لوستلو په باب نازل شوی دی. او هغه هم امر شویدی چې ای پیغمبره ولوله . خو ټالیب بیا دلوستلو ځای یعني ښوونځی بندوي.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2