Categories

اعلان

Loading…

ایران او پاکستان هم په کابل کې پر دیني عالمانو برید وغانده

تاند- پاکستان، ایران، ملګروملتو او یو شمېر نورو هیوادونو په کابل کې پر دیني عالمانو د دوشنبې د ورځې تروریستي حمله وغندله.

د دوشنبې په ورځ تر غرمې مخکې یوه ترهګر د لویې جرګې خیمې ته نژدې د ځان په الوزولو ۱۴ تنه شهیدان او ګڼ نور دیني عالمان او نور ملکي افغانان ژوبل کړل.

د لویې جرګې په خیمه کې تر ۲ زره زیات افغان دیني عالمان راغونډ شوي ول چې د سولې، انتحاري حملو، د جګړې د دوام په اړه خبرې وکړي خو د سولې مخالفانو مخکې تر دې چې د دیني عالمانو له پرېکړې خبر شي د لویې جرګې په خیمه کې پر راغوڼډو شویو دیني عالمانو د حملې پرېکړه کړې وه.

د وروستیو معلوماتو له مخې داعش یا اسلامي دولت سختدریځې ډلې، چې ادعا کېږي د طالبانو بل نوم دی، د دې برید مسوولیت په غاړه اخیستی دی.

دې ډلې د حملې هیڅ راز سند یا شواهد نه دي وړاندې کړي.

د سیاسي چارو یو شمېر کارپوهان ادعا کوي چې داعش د آی ایس آی له لوري د دې لپاره جوړ شوی چې له یوې خوا پر طالبانو فشار راوړي چې د دې استخباراتي ادارې د اوامرو سرغړونه ونه کړي او له بلې خوا هغه فشار کم کړي چې پر دې ادارې د طالبانو د ملاتړ په خاطر د امریکا له لوري راوستل شوی دی.

د داعش اکثره غړي هغه پاکستاني طالبان دي چې پخوا د طالبانو په نوم د آی ایس آی په همږغۍ د افغان طالبانو ترڅنګ د افغانستان پر ضد جنګېدل.

د دوی په منځ کې یو شمېر افغان طالبان او د منځنۍ اسیا سختدریځي هم شامل دي.

داسې هیڅ نښه نه ده ترلاسه شوې چې د ننګرهار په ځینو سیمو کې د داعش په نوم فعال کسان، چې خپل سپین بیرغونه یې تور کړي، د عراق او سوریې له ترهګرو داعشیانو سره ارتباط ولري.

پاکستان، چې ګومان کېږي، د طالبانو د غیرسیاسي هدفونو د لاس ته راوړلو لپاره یې داعش جوړ کړی دی، د دوشنبې په ورځ په کابل کې پر دیني عالمانو تروریستي برید په کلکه غندلی دی.

پاکستان ویلي چې د بېګناه افغانانو د قیمتي وینو پر بهېدو خواشیني ښکاروي او دا وحشیانه برید غندي.

ایران هم، چې ویل کېږي اوس د طالبانو ملاتړ کوي، د کابل حمله غندلې ده.

د ایران د بهرنیو چارو وزات ویندوی بهرام قاسمي د دوشنبې په ورځ وویل چې د ایران اسلامي جمهوریت دا برید، چې لږترلږه ۸ تنه پکې وژل شوي، په کلکه غندي.

قاسمي ویلي«په داسې ورځ چې د افغانستان د ټولو سیمو دیني عالمان د افغانستان په پلازمېنه کابل کې راغونډ شوي وو او په خپل هیواد کې یې د سولې او د تروریزم پر ضد یې خبرې کولې، یو ناولی تروریستي برید پرې وشو.»

امریکا او ملګرو ملتو هم دا برید غندلی دی.

83 total views, 2 views today

onesignal_meta_box_present:
onesignal_send_notification:

1 comment

  1. عثماني Reply

    ظالمانو هم مې وژنئ ، هم ژړا را باندې کوئ.
    د خدای لعنت دې پر ټالیب ، داعش او د پنجاب پر آی اس آی وي.

Leave a Reply

Your email address will not be published. Required fields are marked *