Categories

اعلان

Loading…

تر اوسه ۱۵۰۰ الیکترونیکي تذکرې وېشل شوي

تاند- د افغانستان د نفوسو د احوالو د ثبت اداره وايي، تراوسه پورې نژدې ۱۵۰۰ تنو ته الیکترونیکي تذکرې ورکړل شوي دي.

د دې ادارې ویندوی روح الله احمدزي نن /یکشنبه/ وویل«د الیکترونیکي تذکرو د توزیع له پیله تراوسه پورې، نژدې ۱۵۰۰ تنو الیکترونیکي تذکرې اخیستي دي. موږ د ۳۰ زره تنو او دغه راز د ۶ زره کورنیو فورمې ترلاسه کړي دي.»

یو شمېر خلک شکایت کوي چې د الیکترونیکي تذکرو د وېش پروسه ډېره ټکنۍ ده او باید ډېر انتظار ورته وباسي.

دوی د نفوسو د احوالو د ثبت له ادارې غواړي چې خپل امکانات زیات کړي څو ډېر خلک په لنډ وخت کې الیکترونیکي تذکرې واخیستلی شي.

په ارګ کې د الیکترونیکي تذکرو په وېش پسې د وېش یو مرکز د کابل ښار په شېرشاه مېنه (کارته چهار)، بل په وزیراکبرخان مېنه کې پرانیستل شوی، او درېیم مرکز د شنبې له ورځې /د جوزا ۱۱مې/ راهیسې په احمدشاه بابا مېنه کار پیل کړ، خو د نفوسو د احوال د ثبت اداره وايي چې په پلازمېنه کې به د الیکترونیکي تذکرو د وېش ۵ نور مرکزونه پرانیزي.

دا اداره په پام کې لري چې په ۶ میاشتو کې د ولایتونو په مرکزونو کې هم د الیکترونیکي تذکرو د وېش مرکزونه جوړ او د تذکرو د وېش بهیر پیل کړي.

16 total views, 2 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *