Categories

اعلان

Loading…

یو روسی پېلوټ چې ګومان کېده وژل شوی وي، په افغانستان کې ژوندی موندل شوی

تاند- یو روسی پېلوټ، چې څو لسیزې وړاندې په افغانستان کې بې درکه شوی و او باور کېده چې وژل شوی به وي، موندل شوی او غواړي چې خپل هیواد ته ستون شي.

د شوروي اتحاد د وخت د پخوانیو روسي پوځیانو ټولنه وايي، دغه روسی پېلوټ چې پر افغانستان د شوروي اتحاد د پوځونو د یرغل په مهال یې الوتکه لوېدلې وه، دوی ګومان کاوه چې مړ شوی دی.

په افغانستان کې د شوروي د وخت د جنګېدلیو پوځیانو د ټولنې مشر والري وستروتین د جمعې په ورځ /جون ۱/ ریا نووستي خبري اژانس ته وویل«دی لا هم ژوندی دی. دا خورا حیرانوونکې ده. اوس هغه مرستې ته اړتیا لري.»

په جګړو کې د بې درکه شویو پوځیانو د موندلو لپاره د روسیې – امریکا د ګډ کمیسیون د روسیې د برخې ريیس فوستورتین د دغه روسي پېلوټ د نوم له ښودلو ډډه وکړه، ویې ویل چې اوس لا نه غواړي د هغه نوم څرګند شي.

د دغه روسي پېلوټ الوتکه په ۱۹۸۷ م کال په افغانستان کې وویشتل شوه او اوس ښايي ۶۰ کلن وي.

په همدې حال کې د روسیې یوه بل خبري اژانس سپوتنیک نیوز ویلي چې دا روسی پېلوټ به راتلونکې کال بېرته رسویې ته ستون شي.

15 total views, 1 views today

onesignal_meta_box_present:
1
onesignal_send_notification:

1 comment

  1. صادق Reply

    باید واضح شي چی دا روسی پیلوت په دی ۳۰ کلونو کی چیرته اوسیده؟، او تراوسه یی ولی ځان نه ښکاره کاوه؟، د تصویر نه هم کم عمره ښکاري، فکر کوم چی د کاسی لاندی به نیم کاسه وي.

Leave a Reply

Your email address will not be published. Required fields are marked *