Categories

اعلان

Loading…

متحده عربي اماراتو د افغان کارګرو د منلو په اړه له افغانستان سره موافقه وکړه

تاند- متحده عربي اماراتو او افغانستان یوه مفاهمه لاسلیک کړه چې پر اساس یې افغانستان دغه عربي هیواد ته کارګر لېږي.

اوس هم په زرګونو افغان کارګر په متحده عربي اماراتو کې په کار بوخت دي خو هغوی په خپل لګښت او ابتکار دې هیواد ته تللي دي.

متحده عربي اماراتو ته د افغان کارګرو د لېږلو موافقه د چهارشنبې په ورځ د افغانستان د کار، شهیدانو، معلولانو او ټولنیزو چارو وزیر فیض الله ذکي او د متحده عربي اماراتو د بشري قوې وزیر نصیر بن ثاني الاحلیمي ترمنځ د سویس په جینیوا کې د کارګرو د نړیوال کنفرانس د ۱۰۷ مې ناستې په څنګ کې لاسلیک شوه.

د خلیج ټایمز ورځپاڼې د راپور له مخې د متحده عربي اماراتو د بشري قوې وزیر وویل، د دواړو خواوو ترمنځ دا موافقه د دوو هیوادونو ترمنځ د موجودو دوستانه اړیکو د لا زیاتېدا لپاره لېوالتیا ښيي.

ښاغلي الاحلیمي دا مهمه وبلله چې دغه هیواد ته د کارګرو په لېږلو کې افغانستان له شفافیته کار واخلي.

152 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *