Categories

اعلان

Loading…

افغانان او له ښځو کرکه | شرف الدین عظیمی  

له ښځو څخه کرکه  (Misogyny) یوه ټولنیزه ستونزه ده، او دا هغه حالت دی چې په هغې کې له ښځو سره تبعیض او یا هم کرکه کېږي او یا هم د باور وړ نه بلل کېږي. دا ستونزه له ښځو سره د تاوتريخوالي په بحث پورې هم اړه لري. آدرین سسیل ریچ چې یوه مشهوره امریکايي شاعره، منتقده او فمینیسته وه او په عین حال کې د څو امریکايي پوهنتونونو استاده هم وه وايي: «له ښځو څخه کرکه هغه منظم او له تاوتریخوالي څخه ډک عمل او دښمني ده چې اوس بنسټيزه شوې او عادي شوې هم ده». اروايي شنونکي په دې عقیده دي چې له ښځې څخه کرکه او انزجار د ماشومتوب څخه سرچینه اخلي،هغه هم له مور څخه د ماشوم لومړني خشمونه چې هغه هم په دې دلیل چې د ماشوم روزنه د ښځې دنده بلل شوې. په دې اړه مشهوره امریکايي اروا شنونکې(روانکاوه)، ټولنپوهه او فمینیسته چودروف وايي چې که غواړو دا ستونزه حل کړو، نو د اولاد په روزنه کې باید د نارینه او ښځینه مشارکت او ګډون وشي.

دا ستونزه له ماشومتوبه پيلېږي، خو ډېر داسې لاملونه شته چې په لوړ سن کې هم ډېره دې کرکې ته زمینه برابروي.

شرف الدین عظیمی

 د بېلګې په ډول:  له ښځو او نجونو سره ناوړه اړیکې، ناسمه روزنه او وده، ناسالمه کورنۍ، په ټولنه کې د بدو اخلاقو حاکمیت، د بربنډو او غیر اخلاقي فلمونو لیدل او خپرونو اورېدل، له نامحرمو او پردیو ښځو سره اړیکې ، له بدو ملګرو او دوستانو سره اړیکې، تل منفي فکرونه ، ډېرې جنسي اړیکې درلودل، بېځایه ګرځېدل، بی حجابي او داسې نور هغه څه دي چې زموږ په ټولنه کې چې یوه مذهبي دودیزه ټولنه ده، له ښځو څخه د نارینه وو کرکه ډېروي او د ښځو د ژوند او هوساینې فضا را تنګوي او ډول ډول ستونزو ته یې ورکاږي.

دا ستونزه که حل نشي نو ډېرې ستونزې به په ټولنه کې راته پيدا کړي. د بېلګې په ډول:فکر وکړئ چې نیم ژوند له ښځو جوړ شوی او نیم ژوند هم له نارینه وو څخه. دا چې نیم ژوند له نیم ژوند سره په جنګ بوخت وي ډېرې ستونزې زېږوي او دا ښه کار نه دی دا سوله باید راشي، ځکه چې بې باوري رامنځته کېږي، په ټولنه کې بې نظمي جوړېږي، یوازیتوب ډېرېږي، بې حجابي او بربنډتوب به نور هم ډېر شي او هغه هم د عقدې او ضد له لاسه، ډېری ښځې کېدای شي مړې شي یا هم خپله ځانونه ووژني، په ډېری رواني ناروغیو به اخته شي، نورو بدو کارونو ته به هم لاس واچوي، بنسټونه به جوړ کړي، د ټولنې بد انسانان به ترې جوړ شي، درغلۍ به ډېرې شي، ټولنه او وګړي به یې دروغجن او فرېب کاره شي او داسې  ډېرې نورې ستونزې شته چې کېدای شي،رامنځته شي او بیا به یې مسوول دواړه هم ښځې او هم نارینه وي، خو په پیل کې به یې نارینه مسوول وي.

د دې ستونزې د مخنيوي په موخه باید منفي فکرونه ودرول شي، په ټولنیز ژوند باید باور وشي، اړیکې او ټولنیز کارونه باید ډېر شي، دیني ارزښتونه او ښه کلتوري ارزښتونه باید وساتل شي، د ناوړه فلمونه، انځورونه او ناولونه باید ونه لوستل او ونه لیدل شي، نامشروع او ډېرې جنسي اړیکې باید ونه لرو، تل باید له مثبتو فکرونو پیروي وشي، په خپله کورنۍ او کورني ژوند باید ډېر تمرکز وشي او خوښي پکې رامنځته شي.

لویه ستونزه زموږ په ټولنه کې د قانون نه مراعاتول دي. دا او دې ته ورته مسایل په قوانینو کې په ډېر واضع ډول شاربل شوي، خو یوه ستونزه شته چې باید پام ورته وکړو د بېلګې په ډول: کورنی نظام باید ډېر د پام وړ شي او درناوی باید ورته وشي، هر څه باید په سمه توګه ترسره شي، د مثب فکر په پایله کې به موږ ضرور یوه پایله اخلو، نامشروع اړیکې باید کنټرول شي، ارزښتونه باید وساتل شي، په خپل نفس باید باوروکړو دا هر څه د یوه باور له کبله پيدا کېږي، هر څه باید ریښتونې او صادقانه ويږعلم، پوهه او سواد باید لوړ شي، له بېکاره کارونو څخه باید مخنیوی وشي، په ټولنه کې اړيکې باید سمې شي، باید ښه دوستان او ملګري غوره شي او داسې نور هغه څه دي چې د یوې حل لارې په توګه اشاره ورته کولی شو.

1,049 total views, 3 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2