Categories

اعلان

Loading…

د ولسي جرګې په اوسنیو ټاکنو کې د خلکو دنده

احسان الله ارینزی

په دې ورځو کې په افغانستان د نوي پېر د ولسي جرګې درېیمې ټاکنې روانی دی. دا ټاکنې به د ملي شوری د ولسي جرګې له یوې دورې څخه و بلې دورې ته د واک لېږد تر څنګ، دا هم جوته کړي چې په هېواد کې لویدیځه ولسواکي څومره عملي شوې، بریاوې کومې دي او ستونزې چېرته دي؟

ولسواکي په افغانستان کې اوږد تاریخ نه لري. په تېرو سلو کلونو کې، د هېواد ډېر سیاسي نظامونه په زور ړنګ شوي او تر نیمایي ډېر واکمنان په دار ځړېدلي او یا په ګولیو سوري – سوري شوي!

په ډېر معاصر تاریخ کې د ولسمشر محمد داوود خان په ضد د خلق دموکراتیک ګوند کودتا، په افغانستان کې د داسې یوې خونړی جګړې بنسټ کېښود چې دا دی اور یی په خپل یو څلوېښتم کال کې، تر بل هر وخت لوړې لمبې وهي او د افغانستان له خلکو څخه د سر، مال او عزت قربانی اخلي.

په افغانستان کې اوسنۍ ولسواکي د طبیعي بهیر، تاریخي بدلونونو او پرمختګونو له لارې نه؛ بلکه هغه وخت راغله چې امریکایانو د طالبانو اسلامي امارت یا د لوږی پاچایی نسکوره کړه او نړیوالې ټولنې د (بن)  په غونډه کې د افغانستان له پاره په داسې یو ګڼ ګوندیزه پراخه بنسټه ولسواکي هوکړه وکړه چې د غونډې د افغاني برخه والو تنظیمي استازو، تنظیمونو او افغانی ټولنې له ظرفیت څخه ډیره لوړه وه!

له هغه ځایه چې په پیل کې مرکزي دولت کمزوری او لومړنی ولسمشر حامدکرزي په ورانوونکو مصلحتونو مین سیاستوال و، د دولتي واکمنۍ د پراختیا او پیاوړتیا په ځای، هغه جنګي تنظیمونو ته د چاغېدو او زور ښوونې وخت او امکانات په لاس ورغلل چې د انسان، اسلام، افغانستان، ملي یووالي او سترو وطني ګټو په ځای، په کمکیو شخصي، قومي، مذهبی ګټو پسې لالهانده وو او امریکایی ډالرو یې سترګې برېښولې وې!!

هو، له بده مرغه چې په نویو دولتي جوړښتونو کې د پخوانیو جنګي ډلو ټپلو برلاسي، تنظیمي سلایقو، د کلاشینکوف فرهنګ، د ظرفیت او منابعو لږوالی او د ګډ کار او تفاهم د روحیې کمزورتیا، داسې شرایط رامنځ ته کړل چې هېواد د سترو ملي ګټو، یووالي، پرمختګ او ولسواکۍ په ځای خطرناکو ټولنیزه انقطابونو ته لاړ او افغانستان د اسلام او افغانانو د ګډ کور په عوض، د تنظیمونو او ټوپکیانو د واک، سمت، سیمې، ژبې، رنګ او مذهب په کورګیو ووېشل شو.

تنظیمي جګړه مارو چې د اسلام د سرلوړۍ او د افغانستان د خپلواکۍ د شعارونو په برکت، د خلکو د ککریو په بیه واک ته رسیدلې وو، له بده مرغه د ګاونډیو هېوادونو د استخباراتي کړیو او نړیوال استکبار په لمسه، د افغانستان مسلمین، لکه د خپلې پخوانۍ واکمنۍ د تورو او بدمرغه کلونو په شان، یو ځلې بیا په سنی او وهابی او شیعه او سید او اسمعیلی او …ووېشل!

دې جګړو مارو چې یو وخت یې ځانونه د خلق الله او امت مسلمه داعیان بلل، د خدای منلی مخلوق، د افغانستان له خلکو څخه پښتانه، تاجک، ازبک، هزاره، ترکمن، نورستاني، بلوڅ او … جوړ کړل او کرکه یې دومره ژوره کړه چی اوس ورور،ورور ته ټوپک ګرځوی!

او له هغه ځایه څخه چې هم جګړه مارو تنظیمونو او هم مذهبي او قومي مافیا په ګاونډیو هېوادنو، سیمه او نړۍ کې ملګري او ملاتړي درلودل؛ نو افغانستان یو ځلې بیا د ډېرو پټو بهرنیو کړیو د لاسوهنو په داسې فعال مرکز بدل شو چې موږ یې هره ورځ په ټول لوی وطن کې د اور، وینو، چاودونو، مرګونو او ورانیو په بڼه وینو او شاهدان یې یاستو!

نو لکه چې څنګه وینو لویدیځې ولسواکۍ او نویو شرایطو په افغانستان کې د رښتیاني ملي یووالي او نېکمرغه برخلیک په ځای؛ ژور قومي، مذهبي، نسلی او سیاسي بېلتون رامنځ ته کړی چې پایلې به یې د راتلونکي افغانستان له پاره ښې نه وي.

له بده مرغه چې د ولسي جرګې اوسنۍ دورې هم له دې انقطاب او بېلتانه سره ډېره مرسته وکړه. د دې جرګې ډېر استازي چې اوس د خپل غیرقانوني استازیتوب په اتم کال کې تشریف لري، د خلکو او ولایاتو استازي نه؛ بلکه د قومي، مذهبي ډلګیو او د ګټو، قراردادونو، معادونو، غلا، رشوت او بیساري اداري او اخلاقي فساد استازی بلل کېږي.

دې نامطلوبو عناصرو په ولسواکي، ولسي جرګې او ټاکنو باندې د عام ولس باور دومره کمزورې کړي چې اوس د بل پړاو له پاره نوم لیکنه ډېره پیکه روانه ده او کېدای شي چې لږ خلک به په ټاکنو کې برخه واخلي او خپلې رایې به استعمال کړي!

که څه هم چې په ټاکنو کې به د خلکو ګډون لږ وي؛ خو د افغانستان او ولسواکي د ژغورنې له پاره، د هر رایه ورکوونکي وجداني دنده جوړېږي چې د افغانستان سترو ملي ګټو ته په کتو سره، داسې شمېرلي او مسوول قدمونه واخلي چی د افغانستان نیکمرغئ پکی له ورایه ښکاری او وطن د دی اور او وینو له تالاب څخه د ژغورنی ساحل ته وباسی.

450 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2