Categories

اعلان

Loading…

د ناټو هوايي ځواک د فیض اباد ښار پر یوه برخه بمباري وکړه

تاند- د بدخشان اوسېدونکي او ځینې چارواکي وايي چې د ناټو ځواکونو تېر ماښام په فیض اباد ښار کې د والي د دفتر، د پولیسو د ماموریت او د خلکو د کورونو ترمنځ هوايي برید وکړ.

د فیض اباد ښار اوسېدونکي وايي، د دې بمبارۍ، چې د پنجشنبې په ماښام وشوه، په هدف نه پوهېږي ځکه چې د بمبارۍ په ساحه کې نه د دولت وسله وال مخالفان موجود ول او نه دا ناامنه سیمه ده.

د ښار اوسېدونکي وايي، د ماښام لمونځ یې ادا کړی وو او له جوماتونو څخه په وتلو ول چې لوړ ږغونه یې واورېدل.

په فیض اباد کې د دې بمبارۍ له کبله چا ته د تاوان اوښتو په اړه راپور نه دی ورکړل شوی خو له دې سره په یو وخت د بدخشان په کشم ولسوالي کې د دولت وسله وال مخالفان بمباري شوي دي.

په همدې حال کې د بدخشان والي احمد فیصل بېګزاد وايي چې د غوڅ ملاتړ ماموریت مسوولانو ورته ویلي چې د فیض اباد بمباري یوه تېروتنه وه.

بېګزاد وویل چې بهرنیو پوځیانو ته یې ویلي چې له دقته کار واخلي او بیا داسې تېروتنه ونه کړي.

په تېرو ۱۷ کلونو کې د افغانستان په جنوبي ولایتونو کې بهرنیو پوځیانو په ځلونو دا ډول بمبارۍ کړي چې له کبله یې ډېر ملکیان وژل شوي یا ټپیان شوي دي.

349 total views, no views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *

۸