Categories

اعلان

Loading…

چین د سپوږمۍ نه لیدل کېدونکې برخې ته سپوږمکۍ لېږي

تاند- چین د سپوږمۍ هغې خوا ته، چې له مځکې نه لیدل کېږي، د څېړنو لپاره سپوږمکۍ لېږي.

د سپوږمۍ یوه برخه موږ له مځکې نه شو لیدلی.

چینايي سپوږمکۍ به د مځکې د مدار په ۴ لکه ۸۰ زره کیلو مترۍ کې ځای پر ځای شي.

دا به لومړنۍ سپوږمکۍ وي چې د سپوږمۍ په دې برخه کې تحقق ته استول کېږي.

دا برخه د سپوږمۍ پټه خوا بلل کېږي.

سپوږمکۍ به د سیګنالونو په وسیله خپل معلومات مځکې ته رالېږي.

په ۱۹۶۸ م کال د اپولو ستوربېړۍ اسمانمزلو (فضانوردانو) د سپوږمۍ پټه خوا ولیدله خو د لومړي ځل لپاره د سپوږمۍ د دې برخې عکس د پخواني شوروي اتحاد لونا ۳ ستوربېړۍ واخیست.

چینايي سپوږمکۍ کوپیکیاو نومېږي چې له یوې چینايي افسانې سره تړاو لري.

افسانه داسې ده چې کارغان د قمري کال د اوومې میاشتې په اوومه شپه پر خپلو وزرو یو پُل جوړوي چې د جنت اوومه الهه یعني ژینو خپل خاوند، چې د اسمانلارې د کهکشان په خاطر ورڅخه بېل شوی، وویني.

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *