Categories

اعلان

Loading…

‎زموږ مسوولیتونه څه دي؟ | ‎مینه منګل

‎سره له دې چې په افغانستان کې ‌‌‌‌‌‌ډېر لوی او با وقاره قومونه ژوند کوي، خو د یووالي د پاره هیچا د زړه څخه کار ونکړ، همدا بېلوالی ددې سبب شوی چې دښمن مو حتی په حجرو کې هم نفوس وکړي، او څه یې چې زړه وي هغه په موږ وکړي.

‎یو موټی ملت د دښمن په خوله ګذار جوړېدای شي، خو بېل ملتونه د بربادۍ کندې ته لوېدای شي.

‎د افغانستان قومونه د بربادۍ کندېته لوېدلی، ټول غواړو له دې کندې ووځو خو نشو کولی ځکه چې له موږ لاره ورکه ده موږ سمه لاره پریښې، موږ په غلطه روان یو.

‎موږ د هېواد په ټولو چاروکې ځانونه بې مسوولیته کړي، او اوږې مو ترې سپکې کړي. سره له دې چې پوهېږو هېواد مو په موږ حق لري.

‎راځئ چې له ځانو وپوښتو چې ‎موږ خپله د هېواد په جوړښت او امنیت کې څومره ون‌‌‌‌‌‌ډه لرلی شو؟
‎دا باید ومنو چې افغانان په نړۍ کې یو غیرتي او مېړنی قوم دی ، چې دا باتوره قوم هر څه کولی شي.
‎موږ کولی شو چې د هېواد په امنیت کې ‌‌‌‌‌‌ډېره موثره ون‌‌‌‌‌‌ډه ولرو ، په هغه صورت کې چې موږ د هېواد امنیت صرف د دولت مسوولیت ونه ګڼو.

‎کله چې ولسونه د یووالي تړونونه وتړي هغه وخت به موږ د ترقۍ او د ښه راتلونکي طرف ته حرکت کوو.
‎دولت زموږ د پاره دی او زموږ د پاره کار کوي.

‎زموږ امنیتي ځواکونه هره ورځ له دښمن سره زموږ د خوندیتوب د پاره جګړه کوي او شهیدانېږي.
‎دا باید درک کړو چې دولت موږ ته لویې برنامې لري، ، زموږ د پاره امنیتي قوتونه تشکلیوي، زموږ د امن د پآره هره ورځ نورو هېوادونو ته سفرونه کوي او د سولې حل لارې لټوي ‎تر څو موږ آرام او ښه ژوند ولرو .

‎راځئ لومړی داسې وکړو هغو کسانو ته نور نه اجاز ورکړو او نه غوږ ورته ونیسو کوم چې د نظام مخالفین دي،ځکه چې هغوی خپلې شخصي موخې لري کله چې خپلو موخو ته ورسېږي موږ یواځې پرېږدي هغوی د نورو په اشارو د برحال نظآم د نړېدو په لټه کې دي سره له دې چې له دې مخالفینو سره هېڅ بل بدیل ددې نظام نشته .

‎راځئ چې هغو اشخاصو ته اجازه ورنکړو کوم چې زموږ د هویت په سر معاملې کوي ځکه دا اشخاص پوهېږي چې د افغانانو د هویت بدلیدل د هیچا د وس کار ندی ، ټول پوهېږي چې د افغانانو هویت په ټوله نړۍ کې ثابت شوی.
‎دا کړۍ ددې لپاره چې نظآم مو پياوړی نشي حالات نور هم بحراني شي نو دا هویتي مسایل رامنځته کوي.

‎راځئ چې د هغو اشخاصو مخه هم ونیسو کوم چې هڅه کوي په خپلو سیمو کې وسله والو ته ځای ورکړوي، او ولس ته داسې څرګندوي چې ګواکې دا وسله وال د اسلام مدافعین دي.

‎دا اشخاص هم خپلې موخې لري، د همدې اشخاصو په مرسته وسله وال کله د کرکټ په میدان کې ، کله په جومات کې ، ، کله په ښوونځيو کې، او کله په عامو بازارونو کې بېګناه افغانان شهیدانوي، د همدې پرديپالو اشخاصو په مرسته وسله وال هره ورځ زموږ ددې وطن امنیتي ځواکونه په ‌‌‌‌‌‌ډېر ظلم سره په شهادت رسوي.

‎راځئ چې په هرولایت او هره سیمه کې د نجونو او هلکانو زده کړې جبري کړو ، لکه څنګه چې د پکتیا د لجې منګلو قوم تړونونه کړي چې که چا خپلې لوڼې ښوونځيو ته پرېنښودې نو جریمه به پرې کوي، د خوست ولایت د موسی خېلو قوم په اولادونو زده کړې جبري کړي دي، دغسې تړونونه مو آبادوي.

‎راځئ چې د پښتون ، تاجک ، ازبک، هزاره او نور قومي بحثونه پرېږدو ټول د افغانستان د دولت د ملاتړ په خاطر تړونونه وتړو تر څو نظام کې شته ستونزې حل او د پياوړتیا د پاره یې نوې لارې وموندو،ځکه چې دښمن ته د ټولو وژل یو رقم لزت لري، د ټولو افغانانو د وینې رنګ یو شان دی  ‎دښمن ته یو قوم هم بهتر ندی ،ځکه چې زموږ دښمن د نورو په اشارو او پيسو موږ وژني، موږ بېلولي، زموږ ‎د نظام د ړنګېدو هڅې کوي.
‎په آخر کې وایم
‎که زړونه سره يو کړو او لاسونه سره ورکړو
‎دا کاڼي به لعلونه شي او دا بوټي به لونګ شي

‎راځئ چې لاسونه سره ورکړو مسوولیتونه وپېژنو او خپله ایماني او وجداني دنده په صداقت سره ترسره کړو.

108 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *