Categories

اعلان

Loading…

د فراه د ولایتي شورا ريیس وايي، د فراه ښاریان له طالبانو سره جنګېږي

دا خبر بیا بیا تازه کېږي

تاند- د فراه د ولایتي شورا رييس فرید بختور وايي چې په خپله له یو شمېر رضاکارو جنګیالیو سره په فراه ښار کې د طالبانو پر ضد جنګېږي.

بختور وویل، د فراه یو شمېر ښاریان په خپله خوښه حاضر شوي چې وسلې واخلي او خپل ښار له طالبانو پاک کړي.

بختور همداراز وايي چې ښار ته اضافي یا کومکي ځواک نه دی ورغلی او وضعیت مخ په خرابېدو دی.

دا په داسې حال کې ده چې د کورنیو چارو وزارت ویندوی نجیب دانش وايي، ۱۴۴ ځانګړي پولیس له کندهار څخه او شاوخوا ۱۰۰ کومانډو له هرات څخه فراه ته رسېدلي دي.

د فراه والي بصیر سالنګي تښتېدلی

نیویارک ټایمز ورځپاڼې د یوه افغان چارواکي په قول ویلي چې د طالبانو له حملې سره سم د فراه والي بصیر سالنګي له فراه څخه وتښتېد.

دغه چارواکي ویلي چې له سالنګي پرته نور ټول ملکي او امنیتي چارواکي په ښار کې پاتې دي.

فراه ښار بند دی او خلک په کورونو کې ګیر شوي

سره له دې چې د دفاع او کورنیو چارو وزارتونه وايي چې نن به فراه ښار د طالبانو له وجوده پاک کړي خو په ولسي جرګه کې د فراه یو استازی محمد سرور عثماني وايي چې طالبان لا هم د ښار په یو شمېر سیمو کې شته او جګړې ته دوام ورکوي.

عثماني دغه راز وویل چې ښار بند دی او خلک په خپلو کورونو کې ګیر پاتې دي.

دفاع وزارت وايي، طالبان د فراه د ۷۰ فرقې په شاوخوا کې محاصره دي

تاند- د دفاع وزارت ویندوی محمد رادمنش وویل، طالبان د ښار په درې کیلومترۍ کې د اویایمې فرقې شاوخوا ته رسېدلي وو خو سیمې ته د تازه دمو ځواکونو له رسېدو وروسته طالب یاغیان محاصره شوي دي.

رادمنش دا هم وویل چې ژر به ټول حمله کوونکي طالبان تصفیه شي.

خو د فراه ځینې مدني فعالان وايي چې د ملي امنیت ریاست ته نژدې او په څو نورو سیمو کې هم جګړه روانه ده.

د دوی څرګندونې د رادمنش له خبرو سره په ټکر کې دي.

خو وروستي راپورونه هغه ادعا ردوي چې ګنې طالبانو د ښار ډېرې برخې نیولي یا یې د ملي امنیت ریاست نیولی دی.

د طالبانو د ځپلو لپاره فراه ښار ته کومانډو ځواک ورسېد

تاند- له فراه څخه وروستي راپورونه وايي چې شاوخوا ۱۰۰ کومانډو ځواکونه د ولایت مرکز ته رسېدلي او د طالبانو پر ضد یې تصفیوي عملیات پیل کړي دي.

ځانګړي پولیس له کندهار او د اردو کومانډو له هرات ولایت څخه فراه ته لېږل شوي دي.

ویل کېږي چې طالبانو د ملي امنیت د ریاست په ګډون ځینې دولتي ادارې نیولي خو د ولایت له مقام او امنیه قوماندانۍ څخه لېري دي.

د کورنیو چارو وزارت بیا دا خبره ردوي او وايي چې طالبانو هیڅ دولتي اداره نه ده نیولې.

د فراه د ولایتي شورا غړې جمیلې امیني فرانس پریس خبري اژانس ته وویل، د ښار په ځینو برخو کې د امنیتي ځواکونو او طالبانو ترمنځ سخته جګړه روانه ده او الوتکو پر طالبانو بمباري پیل کړې ده.

دې وویل چې د امنیتي ځواکونو پر یوه کاروان انتحاري حمله شوې ده خو د تلفاتو په اړه یې معلومات نه لري.

د دفاع وزارت ویندوی محمد رادمنش وايي چې دوه افغان سرتېري او ۱۰ طالبان وژل شوي دي.

د چین خبري اژانس سنهوا وايي چې د ښار په لوېدیځه برخه او درېمه امنیتي حوزه کې تیت پرک جنګ روان دی. په دې سیمه کې طالبانو څو امنیتي پوستې نیولي دي.

تراوسه پورې ناټو یا په افغانستان کې د ناټو د غوڅ ملاتړ ماموریت نه دي ویلي چې ایا د فراه په روانه جګړه کې د افغان ځواکونو ملاتړ کوي او که نه.

په فراه کې د تلویزیونونه او راډیوګاڼو خپرونې بندې شوي دي.

د کورنیو چارو وزارت د ۱۴ تنو وژل کېدا تاییدوي

تاند- د فراه ولایت د مرکز په روانه جګړه کې تراوسه پورې د ۸ امنیتي ځواکونو او ۶ طالبانو د وژل کېدو خبر تایید شوی دی.

د کورنیو چارو وزارت هم د دواړو خواوو تلفات ۱۴ تنه ښيي خو راپورونه وايي چې د وژل شویو کسانو شمېر ممکن د دې څو برابره ډېر وي.

د کورنیو چارو وزارت ویندوی نجیب دانش وايي چې د طالبانو پر ضد ځوابي عملیات پیل شوي دي.

دانش وايي، امنیتي ځواکونه پوره تیارسی دي او د تشویش خبره نشته. ده تاکید وکړ چې طالبانو د فراه هیڅ دولتي اداره نه ده نیولې. مخکې ویل شوي و چې طالبانو د فراه د ملي امنیت ریاست نیولی دی.

دانش دا هم وویل چې ځانګړي عملیاتي قواوې او کومانډو ځواکونه فراه ته رسېدلي او له پولیسو او اردو سره څنګ په څنګ په تصفیوي عملیاتو بوخت دي. دانش په عین حال کې تایید کړه چې د فراه مرستیال امنیه قوماندان عبدالرازق ټپي شوی دی.

ولسمشر غني د فراه په اړه د دفاع وزارت په غونډه کې ګډون وکړ

تاند- ولسمشر محمد اشرف غني نن /سې شنبه/ د دفاع وزارت په هغه غونډه کې ګډون وکړ چې په فراه ښار کې د روانې جګړې په اړه جوړه شوې وه.

د ولسمشر غني د دفتر مرستیال هارون چخانسوري وویل، ولسمشر غني د دفاع وزارت له چارواکو او جنرالانو سره د فراه د وروستي وضعیت په اړه خبرې وکړې.

ولسمشر غني دفاعي ځواکونو ته امر وکړ چې په غراه کې د طالب ترهګرو د له منځه وړلو لپاره فوري اقدامات وکړي.

طالبان د لومړي ځل لپاره د فراه ښار ته په ننوتو بریالي شول

تاند- راپورونه وايي چې وسله وال طالبان د فراه مرکز فراه ښار ته ننوتي او په ښار کې له امنیتي ځواکونو سره په نښتو بوخت دي.

د فراه اوسېدونکي وايي چې طالبان سهار وختي (د ۵ او ۶ بجو ترمنځ) له څو خواوو ښار ته داخل شول.

دفاع وزارت د فراه ښار د شاوخوا يوستو سقوط تاییدوي او وايي چې افغان امنیتي ځواکونه ځوابي برید ته تیاري نیسي.

دفاع وزارت وايي، د افغانستان دښمنانو د ښار په شمال کې د ریګي د پوستې له خوا فراه ته نفوذ کړی او د پخوانۍ اویایمې فرقې لور ته پرمخ تللي دي.

دا وزارت همداراز وايي چې په دې سیمه کې د دښمن مخه نیول شوې او لږترلږه ۸ تنه یې وژل شوي دي.

خو د ولایتي شورا ځینې غړي وايي چې طالبانو د ملي امنیت ریاست نیولی، د دې ادارې رييس یې وژلی او اوس د امنیه قوماندانۍ د نیولو پر سر له پولیسو سره په جنګ دي.

د فراه د ولایتي شورا ريیس فرید بختور وايي، لږترلږه ۳۰ افغان پولیس تراوسه پورې وژل شوړي یا ټپیان شوي دي.

د ښار اوسېدونکي وايي چې طالبانو له ۴ خواوو یرغل وکړ او ډېر جنګ د ښار په درېمه حوزه کې روان دی. په دې سیمه کې د ملي امنیت ریاست موقعیت لري چې ویل کېږي طالبانو نیولی او هیلي کوپتر پرې بمباري کوي.

تر دې مخکې له تېرو څو ورځو راهیسې د فراه اوسېدونکو او د ولایتي شورا ځینو غړیو خبرداری ورکاوه چې فراه د سقوط له خطر سره مخامخ ده.

د فراه مرکز ته وروسته له دې طالبان په ننوتلو بریالي کېږي چې امریکا له ایران سره له اتومي موافقې په یو اړخیز ډول ووته. د امریکا دې اقدام د ایران له لوري د طالبانو د ملاتړ د زیاتېدو په اړه یو شمېر افغانان اندېښمن کړل.

وړم کال هم طالبان د فراه ښار تر څنډو پورې ورسېدل خو د ښار په نیولو بریالي نه شول.

که طالبان فراه ښار ونیسي دا به په تېرو دوو کلونو کې لومړنی ولایتي مرکز وي چې د دې ډلې لاس ته لوېږي.

تېر کال طالبانو د لنډ وخت لپاره کندوز ښار ځینې برخې ونیولې خو ټول ښار یې ونه نیولی شو.

د فراه ښاریانو د موبایل ټېلفون له لارې خبریالانو ته ویلي چې د ښار له منځه ډزې اوري.

د فراه د مرکزي روغتون ډاکتران وايي چې تراوسه د ۲ تنو مړي او ۱۶ ټپیان وروړل شوي دي خو د جګړې د دوام له کبله ښايي ډېر ټپیان روغتون ته څوک نه شي رسولی.

د فراه ښار ځینې اوسېدونکي وايي، طالبان په هغو سیمو کې چې نیولي یې دي؛ کور په کور تلاشي اخلي او پر چا چې یې شک راشي ځای پر ځای یې وژني

488 total views, 3 views today

onesignal_meta_box_present:
1
onesignal_send_notification:

2 comments

  1. dawud Reply

    ایران نه غواړي چې افغانستان د برېښنا بندونه ولري او خپلې اوبه مهار کړي، نو ارمانونه یې ټالبان په ډېر اخلاص سره ورته پوره کوي او همدارنګه د ټاپي پروژه هم چې د ایران په تاوان ده هغه هم تهدید کوي

  2. حسن Reply

    نن په فلسطین کې یهودانو په مظلومو عربانو ګولۍ وورولې او زړونه یې ښه په اخلاص سره یخ کړل.
    زمونږ یهودانو هم د ایران په ملاتړ د فراه ولایت پر مظلومو ښاریانو له څلورو خواوو برید وکړ او د ښار په اوسېدونکو یې د اسراییلو په شان په مسلمانانو خپل زړونه یخ کړل.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2