Categories

اعلان

Loading…

چین د نړۍ تر ټولو ستره ټانکر الوتکه جوړوي

تاند- چین به تر ۲۰۲۲ پورې د نړۍ تر ټولو ستره د اوبو رسولو ټانکر الوتکه جوړه کړي.

سي این بي سي تلویزیون د دوشنبې په ورځ وویل، په چین کې دا جوړېدونکې الوتکه (AG600) نومېږي.

په (AVIC) کمپنۍ کې د دې الوتکې ډیزاینر هوانګ لینګکای وايي«موږ هڅه کوو چې تر ۲۰۲۱ م کال پورې د چین د هوايي چلن له چارواکو د دې الوتکې د الوتنو جواز ترلاسه کړو او تر ۲۰۲۱ م کال پورې دا الوتکه خپلو مشتریانو ته وسپارو.

(AG600) الوتکې، چې ۱۲ ټنه اوبه وړلی شي، اصلاً چین د خپل پوځ د مدرن کولو لپاره جوړوي.

دا الوتکه په ازمېښتي ډول د تېر کال په دسمبر کې والوزول شوه.

د دې الوتکې لویوالی د ۷۳۷ بوینګ هومره دی.

د دې الوتکې پر جوړولو ۸ کاله لګېدلي او ویل کېږي چې په ځنګلونو کې د لګېدلي اور د وژلو لپاره ډېرې اغېزمنې دي.

دا الوتکه، چې ۴ انجنونه لري، هم له مځکې او هم له اوبو الوتلای شي.

دغه راز په دې الوتکه کې ۵۰ تنه سپرېدای شي.

38 total views, 1 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *