Categories

اعلان

Loading…

په اپرېل کې د څښاک د اوبو ۱۹ پروژې بشپړې شوي

د روان ۲۰۱۸ کال د اپرېل میاشتې په جریان کې، د کلیو بیارغونې او پراختیا وزارت، په کلیوالي سیمو کې د اوبو رسولو، روغتیاساتنې او اوبو لګولو د ملي پروګرام لخوا د هېواد په یولسو ولایتونو کې د اوبو رسولو (۱۸) او د اوبو لګولو یوه پروژه بشپړه او ګټې اخیستنې ته سپارل شوې.

په دغو پروژو کې د کاپیسا ولایت په کوه بند او حصه اول ولسوالیو، د بلخ ولایت په چاربولک ولسوالۍ او د ننګرهار ولایت په اچین ولسوالۍ کې په لاسي بمبو سمبال د (۴۴) څاه ګانو؛ د بدخشان ولایت په یفتال پایین ولسوالۍ، د تخار ولایت په فرخار ولسوالۍ، د فاریاب ولایت په پشتون کوټ ولسوالۍ، د بلخ ولایت په شولګره ولسوالۍ، د ډایکندي ولایت په شهرستان او نیلي ولسوالیو، د ننګرهار ولایت په دره نور ولسوالۍ، د پکتیا ولایت په سید کرم ولسوالۍ، د نورستان ولایت په وایګال ولسوالۍ او د زابل ولایت په مرکز قلات ښار کې د څښاک د اوبو د (۱۳) شبکو جوړول؛ د ننګرهار ولایت په شینوارو ولسوالۍکې د یوې شبکې لپاره د (۳،۵۰۰) متره پایپ پیرودل او د کندهار ولایت په ډنډ ولسوالۍ کې د (۲،۹۰۰) متره په اوږدوالي سره د آبیارۍ د یوه کانال جوړول شامل وو.

د دغو پروژو ټولټال لګښت (۱،۰۷۷،۳۱۸) امریکايي ډالره دی، چې (۷۸۹،۳۶۵) یې د مالیې وزارت له پراختیايي بودجې او (۲۸۷،۹۵۳) ډالر یې د یونیسف د ادارې لخوا ورکړل شوي. له یادو پروژو څخه په پورته ذکر شویو ولایتونو کې څه باندې (۳۶،۳۴۵) تنه ګټه اخلي.

69 total views, 1 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *