Categories

اعلان

Loading…

افغانستان او پاکستان د سوداګرۍ او ترانزیتي اړیکو د پراختیا موافقه وکړه

تاند- افغانستان او پاکستان موافقه وکړه چې په خپل منځ کې د دوامدارو اقتصادي اړیکو د ټینګولو لپاره هلې ځلې وکړي.

د پاکستاني رسنیو د راپور له مخې، دا موافقه د افغانستان د سوداګرۍ وزارت او سوداګرو د پلاوي او د پاکستان د ملي امنیت د سلاکار نثار خان جنجوعه ترمنځ په کتنه کې وشوه.

د افغانستان د سوداګرۍ او صنایعو د وزارت د مرستیالې کاملې صدیقي په مشرۍ پلاوی په اسلام اباد کې دی چې له پاکستاني چارواکو سره د دوو هیوادونو ترمنځ د سوداګرۍ او ترانزیت په برخو کې پر ستونزو خبرې وکړي.

دواړو خواوو د سوداګرۍ او اقتصادي راکړو ورکړو د پراختیا لپاره موافقه وکړه چې هغه ستونزې له منځه یوسي چې افغان او پاکستاني سوداګر ورسره مخامخ دي.

د افغانستان د سوداګرۍ او صنایعو وزارت ویندوی وايي چې د پاکستان له لوري د افغان سوداګرو د تازه او وچو مېوو د صادراتو په برخه کې زیات خنډونه پېښېږي.

د سې شنبې په ورځ افغان پلاوي د پاکستان د سوداګرۍ له مرستیال وزیر محمد یونس داګه سره وکتل او پر دې یې سلا وکړه چې د سوداګري راکړو ورکړو لپاره د دوو هیوادونو ترمنځ د میکانزم اړتیا ده.

د افغانستان او پاکستان راکړه ورکړه په وروستیو دوو کلونو کې د سیاسي اړیکو تر اغېز لاندې خورا کمه شوې ده.

د افغانستان د سوداګرۍ وزارت او خصوصي سکټور د وروستیو شمېرو له مخې، د دواړو هېوادونو ترمنځ سوداګري له درې ملیارده ډالرو، شا وخوا یو ملیارد ډالرو ته ښکته شوې ده.

خو د دې په مقابل کې افغانستان ته د ایران صادرات څو برابره زیات شوي دي.

په ۲۰۱۰ او ۲۰۱۱ کلونو کې د افغانستان او پاکستان تر منځ سوداګري درې ملیاردو ډالرو ته رسیدلې وه.

پاکستان اوس وايي، له افغانستان سره د سوداګري راکړو ورکړو د زیاتېدو لپاره به هیڅ راز هلې ځلې ونه سپموي.

د افغانستان د سوداګرۍ او صنایعو خونو مرستیال خان جان الکوزی وايي، د سوداګرۍ د اندازې کمېدو د افغانستان په پرتله پاکستان ته زیات زیان اړولی دی.

«دلته په مارکېټ کې په کافي اندازه جنس موجود دی او څه ستونزه نه ده پیدا شوې، خو د دوی له میلونو د اوړو، سمنټو، خوراکي موادو او ودانیزو توکو سوداګري کمه شوې، ټرانسپورټي فعالیتونه یې راکم شوي او د دوی خپله پانګوالو، دولت او خصوصي سکټور ته زیان رسېدلی او همدا دلیل دی چې دوی د سوداګرۍ بېرته غوړېدوته لېوال شوي دي.»

د افغانستان د سودګرۍ او صنایعو وزارت د نړیوالې سوداګرۍ مسؤل میر سعید سعیدي وايي، له پاکستان سره سوداګري په قصداً نه ده کمه شوې بلکې افغانستان اوس څو نورې لارې لري او په اتومات ډول د پاکستان او افغانستان د راکړو ورکړو د کمېدو سبب شوې ده.

په عین حال کې د خیبر پښتونخوا د سوداګرۍ خونې مشر زاهد الله شینواري اندېښنه څرګنده کړې چې که حکومتي تګلارې سمې نه شي د دواړو هېوادونو ترمنځ به سوداګري بیخي ختمه شي.

451 total views, 1 views today

onesignal_meta_box_present:
onesignal_send_notification:

2 comments

  1. احمد Reply

    یو به په داړونکي سپي باور نه کوئ او بل په پاکستان. د دواړو خواص یو دي او حیا په یوه کې هم نشته، هر وخت یې چې وس ورسیږي په ټولو ارزښتونو پښې ږدي او داړي مو.

  2. Sajna Reply

    افغانان ډېړ بئ همته خلق دۍ
    خپل داخلئ تولېد زيات کړۍ
    ترانزيټ لپاره د نورو لارو اسټفاده
    او طورخم دروازه کښۍ ديوال پورته کړۍ
    د ېو خرمرګئ ځواب کښۍ پنجابستان کښۍ لس حملئ کړۍ
    بيداره شئ ائ افغانانو تاسو به نور ځه د لاسه ورکړۍ ؟؟

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2