Categories

اعلان

Loading…

د ایس کریم د ژر نه ویلي کېدو چاروه وشوه

تاند- په کاناډا کې څېړونکو د ایس کریم د نه ویلي کېدو لار موندلې ده. دوی وايي چې که له ایس کریم سره د کېلې د پوستکي ماده یو ځای شي، نه به ویلي کېږي.

د کاناډا د ګیلف پوهنتون څېړونکي وايي، داسې یوه لاره یې موندلې چې د ایس کریم د ویلي کېدو مخه نیسي.

د ښې پخې شوې کېلې پوستکی د سلولز په نوم کوچني فایبرونه لري. له ایس کریم سره د دې مادې یوځای کېدل سبب کېږي چې ایس کریم ژر ویلي نه شي او لا خوندور شي.

دا طبیعي فایبرونه تر وېښتانو په زرګونو ځلې نازک دي. دا ماده د دې سبب کېږي چې د ایس کریم خوند ښه وي او پر دې سربېره د خوراکي موادو غوړ له منځه نه وړي.

د کاناډا د ګیلف پوهنتون څېړونکې رابین زولواګا ګالاکو وايي چې د دوی تحقیقات ښيي چې د کېلې سلولزي فایبرونه د ایس کریم کیفیت ښه کوي؛ په ځانګړي ډول فایبرونه سبب کېږي چې ایس کریم ژر ویلي نه شي او خوراکي مواد یې کیفیت له لاسه ورنه کړي.

138 total views, 2 views today

onesignal_meta_box_present:
onesignal_send_notification:

Leave a Reply

Your email address will not be published. Required fields are marked *