Categories

اعلان

Loading…

عطا محمد نور وايي، د ده او دوستم تر مشرۍ لاندې نوی جوړ شوی ايتلاف به په کابل کې فعاله شي

تاند- د بلخ پخواني والي عطا محمد نور نن اعلان وکړ چې د ده او جنرال دوستم په مشرۍ په ترکیه کې د لوی کندهار، لویې پکتیا او لوی مشرقي د استازو په ګډون یو نوی ايتلاف جوړ شوی دی.

عطا محمد نور په خپله فیسبوکپاڼه کې ویلي چې ده او د اپوزیسیون نورو مشرانو له جنرال عبدالرشید دوستم سره (د افغانستان د ستر ملي ايتلاف) په نوم د یوې نوې ټلوالې پر جوړولو سلا کړې ده.

د عطا محمد نور په وینا دا ټلواله د اسلامي جمعیت، ملي غورځنګ (جنبش) او د افغانستان د خلکو د ملي وحدت ګوند په محوریت د «لوی کندهار شورا»، د لویې پکتیا شورا» او «د لوی مشرقي شورا» په ګډون جوړه شوې ده.

د دوی په عکسونو کې د عطا محمد نور، جنرال عبدالرشید دوستم، او احمد ضیا مسعود ترڅنګ د افغانستان د خلکو د ملي یووالي (وحدت) ګوند مرستیال محمد ناطقي، د ولسي جرګې دوهم مرستیال همایون همایون، د دې جرګې دوه نور غړي ظاهر قدیر، حمیدزی لالی او انوارالحق احدي لیدل کېږي خو د احدي د ګوند یادونه نه ده شوې.

عطا نور ویلي چې د ازادو او عادلانه انتخاباتو ترسره کېدل، د سولې د خبرو پیلېدل او په دولت کې د اصلاحاتو راوستل د دې ايتلاف اساسي هدفونه دي.

عطا محمد نور، چې د جمعیت ګوند اجرايي ريیس هم دی، ویلي چې دا ټلواله به ژر په کابل کې خپل فعالیت پیل کړي.

تر دې وړاندې هم د جنرال دوستم، عطا محمد نور او محمد محقق په ترکیه کې د افغانستان د ژغورنې په نوم ايتلاف جوړ کړی و او ویلي یې و چې ژر به دا ټلاله په افغانستان کې دننه په یوه ستره غونډه کې اعلان کړي.

848 total views, 1 views today

4 comments

  1. صاحبزاده توانا Reply

    د عربي ژبي مقوله ده چې وایي (الطیور علی اشکالها تقع) او په دري کې هم وایي چې (کند همجنس با همجنس پرواز کبوتر با کبوتر باز با باز) په عکس کې د لیدل کیدونکو جنابانو له مشترکو صفاتو خو ملت خبر دی چې پردۍ نوکري ، ملي خیانتونه ، مافیایی حرکتونه ، غدر ،لوټ او چپاول ددوی مشترک صفات دي خو دا یوه مضوع لږه شکمنه ده چې ایا دا نور هم د جنرال صیب دوستم په شان پخوا مفعولین او اوس فاعلین دي او که څنګه ؟ لالی او حاجي ظاهرقدیر خو دي !!!

  2. Mohmand Reply

    ښاغل احدی دادی اوس په نره خپله څيره ښکاره کړه او دهغو لوټمارو په کتار کي ودريدو چه هم له افغانيته او هم د اسلام له دينه ممانعت کوي چه د افغانانو په تسکره د وليکل شی
    اوس نو بايد افغان ملت ګوند هم خپل دريځ ښکاره کړي او همدا شانته افغان اولس ته رښتيا ووايي چه ښاغلي احدي د افغان ملت ګوند په نمايندګي ددي لوټمارو سره دا اليانس جوړ کړي او که کنه.
    څومره چه زه مالومات لرم ښاغلی احدي خو دافغان ملت غړي او سرکښ دي

  3. محمد فایق سکندری Reply

    مهمند صاحب افغان ملت د خپل پیدایښت د ورځی نه کوم دریځ او مرام نه درلود نو اوس به څه ښکاره کړی، احدی خو لا د پخوا د ډالرو لپاره خپل دریځ ښودلی ؤ، خر چې هر څومره د اسپ پیښی وکړی اسپ کیدای نه شی. دوی لا پخوا د کجا سره جوړ ؤ.

  4. ببرک Reply

    نور ویلی ما او دوستم یعنی دا نور هسې شوده ګان ورسره دی!ا
    احدی د پیرانو مرید دی او له پشتو نور تیر دی!ا هغه ته تمه مه لرئ!ا

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2