Categories

اعلان

Loading…

تکراری وحشتونه او د دولت مسئولیتونه

 لیکونکي:  اسدالله ولي او یما هوتک  

نن یو وار بیا وحشی صفته انسانانو د هیواد لسګونه کورنۍ د غم په ټغر کینولی، دا د انسان په جامه کی وحشي غلامان نه سولې ته ژمن دي او نه له انسانیته خبر دي. د دوی موخه یوازې د بې ګناه افغانانو وژل دي څو خپلو بادارانو ته خدمت وکړي او په هیواد کې د هر ډول سولې، آرامۍ او پرمختګ مخه ډب کړي. دولتي چارواکي هم له برید څخه وروسته بیا د ډاډګیرنی تکراري پیغامونه آپدیټ کوي او تیرې تکراري خبرې بیا له سره نشروي، ولس نور د دې تکراري او بې خونده پیغامونو له اوریدو ستړی شوی، دوی بدلونونه غواړي داسې بدلونونه چې لږ تر لږه د دوی ژوند تر یو حده خوندي شۍ.

ولسمشر په تکراري ډول له طالبانو څخه د سولې او خبرو اترو غوښتنه وکړه او داسی شرایط یی ورته وړاندې کړل چې تر دې نور نرمښت نو امکان نلری، خو د پردیو ګوډاګیانو دا ثابته کړه چی دوی د خپل بادار له اشاری پرته هیڅ هم نشی کولای اوس نو ملت ته مالومه شوه چی دوی دوطن او اسلام لپاره نه بلکی د خپلو بادارانو د شومو موخو لپاره جګړه کوی. نور نو له دوی سره باید د سولی په خبرو بیځایه وخت او منابع مصرف نشی دولت ورته خپل شرایط ویلی که څوک ورته حاضر وی سوله دی ورسره وشی او که نه نو باید وځپل شی تر څو ولس یی له غمه خلاص شی.

او ددی پرځای چی له دوی سره وخت ضایع کیږی باید له هغو هیوادونو سره خبری وشی چی ددوی تر شا دی او یوه منطقوی اجماع رامنځ ته شی چی له دوی وپوښتی چی دوی څه غواړی او ولی یی زمونږ په هیواد کی جګړه ګرمه ساتلی نور تر څو چی ددی له بادارانو او تمویل کوونکو سره یوی پایلی ته ونه رسیږو له دی غلامانو څخه د سولی تمه کول هسی د وخت او منابعو له لاسه ورکول دی. اوس هیواد د لویو هیوادو او ګاونډیانو تر منځ د زورآزمویلو په میدان تبدیل شوی او هر هیوادغواړی تر څو خپلی نیابتی جګړی دلته پرمخ بوځی نو تر څو چی مونږ دی ګردآبه ځان خلاص نکړو نو یوی پایداری سولی ته نشو رسیدلای.

سوله د ټولو افغانانو یوه هیله او آرمان دی خو تر څنګ یی باید مونږ د خپلو امنیتی او دفاعی ځواکونو پیاوړتیا او تجهیز ته ډیره پاملرنه وکړو او هڅه وکړو چی ددوی نیمګړتیاوی له منځه یوسو او خالیګاوی یی پوره کړو تر څو دوی وکولای شی د ښمن وځپی او سولی او خبرو اترو ته یی مجبوره کړی.

په تیرو څو لسیزو جګړو کی زمونږ د ملی امنیتی ځواکونو تشکیلات او تجهیزات ټول له منځه لاړل چی د طالبانو له سقوط وروسته د نوی نظام په راتګ سره د ملی امنیتی ځواکونو تشکیلات له سره ورغول شول او هیواد دیوی نوی ملی اردو او نورو امنیتی ځواکونو خاوند شو، چی ددی امنیتی ځواکونو په تشکیل کی دری ډوله خلک ځای پرځای شول یوه برخه یی د پخوانی کمونیستی رژیم له وخته پاتی شوی افسران بل یی د مجاهدینو دوخت جهادی قوماندانان او افسران او بل یی د نوی نسل ځوانان دی، خو پدوی ټولو کی داسی پیاوړی نظامی کدرونه ډير لږ دی چی د جنګ یوه پرمختللی او منظمه تګلاره جوړه کړی تر څو جنګ مهار کړی دوی تل په وړو وړو جګړه اییزو تکتیکونو باندی کار کوی.

زمونږ د امنیتی ځواکونو زړور سرتیری هره ورځ په لسګونو شهیدان ورکوی خو د رهبرۍ په سطحه د فساد شتون،تنظیمی ویش او سلیقوی ګمارنی هغه څه دی چی ددوی د بیځایه وینی تویدو سبب کیږی، او ددوی وړتیاوی او کړنی تر پوښتنی لاندی راولی. ددی لپاره چی ولس په خپلو زړورو سرتیرو اعتماد له لاسه ورنکړی نو باید دا نیمګړتیاوی له منځه ولاړی شی تر څو له یوی خوا ددوی میړانی ځای ونیسی او د بی ځایه قربانیو مخه یی ونیول شی او له بلی خوا دښمن وځپی او ولس تری وژغوری.

ددی تر څنګ دولت باید دولس د زړونو د راخپلولو او ددولت او ولس تر منځ د واټن دکمولو لپاره هم هڅی وکړی چی پدی برخه کی زمونږ په افغانی ټولنه کی دینی علماء او قومی مشران او سپین ګیری ډیر اړین رول لوبولی شی، خو په ډیر تاسف سره د حج او اوقافو وزارت چی دایی دنده او مسئولیت دی تر څو د علماوو او ملاامامانو د راجلبولو او منسجم کولو لپاره هیڅ پروګرام او منظمه تګلاره نلری تر څو دولس او دولت ترمنځ شته واټن له منځه وړلو لپاره تری کار واخلی، دوی یواځی د حج برخه رانیولی چی هغه هم په سمه توګه نشی مدیریت کولای او د اوقافو برخه تری بیخی پاتی ده.

بله ډیره مهمه وسیله چی په اوسنی شرایطو کی ډيره مهمه ده او دولت تری د خپلی ګټی لپاره موثر کار اخستلای شی هغه رسنۍ دی، په ځانګړی توګه دولتی رسنۍ دوی هم صرف پیسی مصرفوی نور نو نه پلان لری او نه منظمه تګلاره دوی هم کولای شی دولس او دولت ترمنځ په واټن کمولو کی ګټور تمام شی خو تر اوسه یی هیڅ داسی اړین کار ندی ترسره کړی تر څو خلک د دولت ملاتړ ته وهڅوی، له مخالفته لاس واخلی او د خپل دولت ترشاه ودریږی، د رسنیو بله لویه برخه دولتی ویاندویان او په ټولنیزو رسنیو کی فعال د حکومت ملاتړی ځوانان تشکیلوی، خو دولتی ویاندویان صرف په فیسبوک پوری محدود دی او یواځی له دی لپاره ناست دی چی دخپلو غونډو او میټینګونو عکسونه په فیسبوک خپاره کړی او ډیر لایکونه واخلی. فعال ځوانان هم ټوله ورځ په ټولینزو رسنیو کی په ژبنی، قومی، مذهبی او سمتی جنجالونو اخته دی هم تری خپل درسونه پاتی دی او هم تری د خپل دولت په ملاتړ کارکول. په دی برخه کی چی بله ډيره مهمه او دیادولو وړ خبره ده هغه د جعلی فیسبوکی پانو او اشخاصو شتون دی چی دبهرنیو استخباراتی کړیو له خوا د تبلیغاتی جګړی لپاره رامنځ ته شوی، دوی نو بیخی میدان وړی او تر اوسه خپلو موخو ته په آسانۍ رسیدلی دی چی ښکاره بیلګه یی د کندز وروستۍ پیښه ده چی دښمن تری په تبلیغاتی برخه کی په پراخه پیمانه ګټه واخیسته خو دولت لاتراوسه غلی دی او په دی هکله ولس ته د رښتیا په ښکاره کولو کی پاتی راغلی. نو دولت باید ددی جعلی پاڼو د موندلو او تړلو لپاره تر وروستی بریده کار وکړی تر څو ځوان لوستی نسل له دی ناسور څخه وژغوری.

په آخر له ټولو افغانانو هیله کوو چی ددښمن په مقابل کی یو موټی شی او په یو منظم صف کی ودریږو او د ظلم او وحشت په مقابل کی خپل غږ پورته کړو تر څو به وژل کیږو او خپل د ګل غوندی ځوانان به له لاسه ورکوو، نو راځۍ چی د یو خپلواک او پرمختللی افغانستان لپاره کار وکړو.

تر هر څه مخکی افغانستان!

431 total views, 2 views today

2 comments

  1. سهاک Reply

    پرون جلالتمآب جمهور رییس د افغانستان د خلکو په باب وویل چې د افغانستان ټول ولس مجاهد دی . خو تاسو بیا زمونږ هېواد وال په دریو کتګوریو تقسیم کړل.
    په دایوه جمله مو چې د پنجابیانو په ګټه لیکلي ، ټوله ارزښتمنه لیکنه بېخونده کړې ده.
    نن زمونږ ټول هېوادوال خصوصا نظامیان که په هرګروپ پورې تړلې دي په یوه واحد صف کې د بېرحمه او نا ځوانه دښمن په مقابل کې ولاړ دي. د دوی ملګري هره ورځ د همدغو بېرحمه دښمنانو له خوا شهیدان کیږي . دښمن ته تور او سپین یو دی . هر هغه څوک چې د ګران هېواد د دفاع لپاره خپل سر قربانوي ، هغه د داعش او ټالیب او پنجاب دښمن بلل کیږي.

  2. اسدالله ولی Reply

    وروره دلته زمونږ هدف خدای مکړه خلک په ګروپونو ویشل ندی بلکه مونږ یوازی دا یادونه کړی چی زمونږ ملی اردو ددی دری دورو با تجربه افسرانو او سرتیرو څخه تشکیل شوی او ددوی په هیواد پالنی او سرښندنی
    کی هیڅوک شک نشی کولای دوی په مخامخ جبهه یی جنګونو کی ډيره ښه زړورتیا او تجربي لري، خو د اوسنی جګړې له غوښتنی سره سم مونږ ډیر کم نظامی کدرونه لرو چي ددی وړتیا ولری تر څو داسی نظامی طرحی او پالیسۍ جوړی کړی تر څو د دښمن پلانونه شنډ کړی او د میړنیو سرتیرو او بی دفاع هیوادوالو د د زیان کچه تر یوه بریده راکمه کړي ، او ستاسی دا خبره په سر سترګو قبلوم چی پخوا څه تیر شوی هغه تیر شول اوس ټول افغانان په یوه صف کی د دښمن په وړاندی ولاړ دی
    ژوندی او بریالي دی وی زمونږ اتل سرتیري!

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2