Categories

اعلان

Loading…

د تلپاتې مینې راز «د مینې پنځه ژبې»؛ کتاب چاپ شو

نصیراحمد نظري  

«د مینې پنځه ژبې» په نامه یو نړیوال مشهور کتاب چې تر دې دمه د نړۍ ۴۹ ژوندیو ژبو ته ژباړل شوی او څه د پاسه ۱۰ میلیونه ټوکه پلورل شوی؛ په پښتو ژبه چاپ او بازار ته وړاندې شو.

تر ګډ ژوند پورې د اړوند مسایلو دغه جادويي کتاب چې د ګڼو جوړو په ژوند کې یې (۱۸۰) درجې بدلون راوستی دی؛ د امریکايي لیکوال او د  ګډ ژوند د سلاکار ښاغلي ګاري چاپمن لومړنی اثر دی.

ګاري چاپمن د انسان پېژندنې او الهياتو په برخه کې د ماسټرۍ تر کچې زده‌کړې لري او د فلسفې په برخه کې يې دکتورا (د سوټ ایسټرن بپټیسټ) د الهیاتو له مدرسې ترلاسه کړې ده.  نوموړی له کلونو راهیسې خلکو ته د ګډ ژوند (واده) د اړیکو د رغون، اصلاح او پرمختګ په باب سیمینارونه او سلا مشورې ورکوي. ویل کیږي چې چاپمن د هرې شنبې په سهار د «د ګاري چاپمن په مرسته د واده د اړیکې جوړښت» په نامه د یوه راډیويي پروګرام کوربه‌توب کوي چې د څه باندې ۴۰۰ راډیويي سټیشنونو له لارې خپریږي.

له خپلې مېرمنې (کارولین) سره په ګډ ژوند کې تر یو لړ هسکو ټیټو او د ګډ ژوند په باب د مشورو ورکولو په برخه کې د څه باندې ۴۰ کلونو علمي او کاري تجربو وروسته؛ ګاري چاپمن خپل دغه لمړنی اثر ولیکه چې د همدغه شهکار اثر تر چاپ وروسته یې هغه نړیوال شهرت تر لاسه کړ.

ښاغلی ګاري چاپمن په دغه کتاب کې مینه (عشق) په دوو ډولونو ویشي: غریزه‌يي، خیالي او لنډمهاله مینه او واقعي، ارادي او اوږدمهاله مینه. نوموړی په دې باور دی چې هر انسان د مینې یوه عاطفي ټانکۍ لري. که دغه ټانکۍ ډکه وي نو هغه کس به نه یوازې یو خوشحاله او هوسا ژوند لري بلکې د ژوند په ټولو چارو کې به بریالی وي؛ ځکه چې د هغه/هغې ټول تمرکز به په دې وي چې څنګه خپلو لوړو موخو ته ورسیږي؛ خو که چېرې د یوه چا د مینې عاطفي ټانکۍ خالي وي؛ هغه کس به د یوه پرېشانه او بدمرغه ژوند د لرلو ترڅنګ، بدخويه او جنګیره وي چې له ضرر څخه به یې نه کورنۍ خوندي وي او نه ټولنه.

د لیکوال په باور، له واده څخه وړاندې د لیده کاته په وخت کې چې انګریزان ورته ډیټینګ وايي؛ زموږ په اصطلاح چغل بازي او بیا د واده په لومړیو کې د مېړه او مېرمن ترمنځ مینه غیر واقعي او غریزه‌یي وي. مېړه او ښځه یا عاشق او معشوقه په دې وخت کې له یو بل سره بې حده خواږه او د یو و بل په فکر کې وي؛ ان تر دې چې د یو و بل ډېرې غټې غټې ستونزې او عیبونه نشي لیدای لکه موږ چې وایو «مینان ړانده وي». دغه وخت دوی یو بل ته پرېمانه مینه ورکوي او د دواړو د مینې عاطفي ټانکۍ ډکې وي؛ خو له بده مرغه چې دغه غریزه يي مینه لنډ مهاله ده او د ګاري چاپمن په اند یوازې تر دوو کلونو یا تر دې لږ څه اوږد مهال دوام کوي اوبس!

د دغه لنډمهاله غریزه‌يي مینې تر پای ته رسیدو وروسته، مېړه د مېرمنې عیبونو ته متوجه کیږي او مېرمن د میړه نیمګړتیاوې ویني. ګیلې په شکایتونو بدلیږي؛ شکایتونه د جنګ او دعوا خواته ځي او بلاخره خبره تر سوټي او طلاق پورې رسیږي. دا ځکه چې د دوی په مینځ کې مینه ختمیږي او د دوی د مینې عاطفي ټانکۍ په وچیدو شروع کوي او پایله یې کورنی تاو تریخوالی او یا د دغه ټانکیو د غریزه يي اشباع لپاره نورو ناروا او غیر قانوني لارو ته لاس اچونه ده.

خو ددې لپاره چې د ژوند د ملګریو ترمنځ د مینې، صمیمیت او عاطفې احساس چورلټ له منځه لاړ نشي او د دوی په منځ کې د جنګ او تاوتریخوالي څخه مخنیوی شوی وي؛ ښاغلی ګاري چاپمن په دغه کتاب کې د مینې پنځه داسې جادويي ژبې وړاندې کوي چې په مرسته یې د زرګونه داسې جوړو (مېړه او مېرمنې)، چې د ګډ ژوند اړیکې یې ان د طلاق پر پاڼ ولاړې وي، اصلاح او رغولې دي.

زما په باور «د مینې پنځه ژبې» کتاب باید ټول خلک یو ځل ولولي. په دې کتاب کې زده کوئ چې څنګه کولی شئ د واده د لومړیو شپو ورځو «لېونۍ مینه» د ژوند تر پایه پوره دوامداره وساتئ. په کتاب کې نه یوازې دا چې د خاوند او مېرمنې د ګډ ژوند د رغون، ښه‌والي او لا پرمختګ په اړه رغنده سپارښتنې او لارښوونې شوې دي؛ بلکې د خپلو ماشومانو د ښې تربیې او سالمې روزنې لپاره هم یو لړ په زړه پورې مشورې تشریح شوې.  

د دغه کتاب د ژباړونکي په توګه، زه باوری یم چې د کتاب یو ځل لوستل او د هغه د (۵۰) سلنه سپارښتنو عملي کول هم کولی شي ستاسې په ژوند کې لوی مثبت بدلون رامنځته کړي.

په پای کې غواړم دا ووایم چې د مینې ژبې زده کړئ او له خلکو سره مینه وکړئ. هغه د جورج سنډ په خبره: «په ژوند کې یوازینۍ خوښي دا ده چې تاسې له خلکو سره مینه وکړئ او خلک له تاسې سره.»

مینه ژوندی دی!

480 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2