Categories

اعلان

Loading…

هند په افغانستان کې ۲ برښناکوټونه جوړوي

تاند- د افغانستان د اوبو او انرژۍ وزارت وايي، هند غواړي چې په افغانستان کې د دوو بندونو پر جوړولو پانګونه وکړي.

د افغانستان د اوبو او انرژۍ وزارت نن /چهارشنبه/ وویل، هند لېواله دی چې د سروبي ۲ او د کاپیسا د باغدرې بندونه جوړ کړي.

د افغانستان د اوبو او انرژۍ وزارت سرچینو وویل چې هند د دواړو بندونو د مشخصاتو په اړه معلومات غوښتي دي.

تراوسه څرګنده نه ده چې هند په دې بندونو څومره پانګونه کوي.

د سروبي ۲ بند د ۱۰۰ میګاواټه برښنا د تولید ظرفیت لري او د باغدرې بند په اړه ویل شوي چې ۳۰۰ میګاواټه برښنا تولیدولی شي.

هند تر دې وړاندې د هرات په چشت شریف کې د سلما بند په جوړولو کې مرسته وکړه.

سره له دې چې افغانستان د برښنا د تولید استثنايي امکانات لري خو د دوو ګاونډیو د لاسوهنو له کبله د بندونو په جوړولو پانګونه نه شي کولی.

ایران د افغانستان په لوېدیځو ولایتونو لکه هرات، فراه او نیمروز کې د بندونو د مخنیوي لپاره د خپلو پخوانیو دښمنانو، طالبانو ملاتړ کوي او پاکستان هم په ځلونو له نړیوالو مرستندویانو غوښتي چې د افغانستان په بندونو کې پانګونه ونه کړي.

1 comment

  1. RAZMOHAMMED KAMAWALL Reply

    WHATS HAPPEN TO THE NANGARHAR/KUNER RIVER DAM/
    THE PROJECT OF KUNER RIVER JUST WRITE ON THE ICE CUBE AND PUT
    FOR SUNLIGHT.
    RESIDENTS OF KUNER NANGARHAR MUST BE ASKED FOR THAT,
    THE ENERGY FROM WATER DAM BECOME CHEAP THEN CELLULAR
    ENERGY FROM SUN.
    ANY CONTRACT WITH CHINESE COMPANY CAN NOT BUILD.
    THANK YOU

Leave a Reply

Your email address will not be published. Required fields are marked *