Categories

اعلان

Loading…

افغانستان د ۵ پاکستاني پوځیانو مړي پاکستان ته وسپارل

تاند- د ځاځي میدان اوسېدونکو نن /دوشنبه/ د ۵ وژل شویو پاکستاني ځواکونو مړي او یو ژوندی نیولی پوځي پاکستان ته وسپارل.

د افغانستان دفاع وزارت وايي چې ټولټال ۱۴ پاکستاني پوځیان او ملېشه وژل شوي دي.

د رویټرز خبري اژانس د راپور له مخې، د خوست والي حکم خان حبیبي وویل، دا ۵ کسه وروسته له دې د افغان سرحدي پولیسو او ځايي خلکو له لوري ووژل شول چې د افغانستان په خاوره کې د تاسیساتو د جوړولو لپاره راواوښتل.

دواړو خواوو نن اعلان وکړ چې په اوربند یې سلا کړې ده.

رویټرز خبري اژانس وايي چې پر دیورند کرښه د افغانانو او پاکستاني پوځیانو ترمنځ عموماً نښتې کېږي خو داسې لږ شوي چې د نښتو په ترڅ کې دې د یو بل ژوندي کسان ونیول شي.

د پاکستان پوځ مخکې ادعا کړې وه چې دوه سرتېري یې وژل شوي دي خو نن افغانانو پاکستان ته د هغوی د ۵ ځواکونو مړي وسپارل.

رویټرز وايي چې د پاکستان د پوځ ویندوی حاضر نه شو چې په دې اړه څه ووايي.

49 total views, 1 views today

Leave a Reply

Your email address will not be published. Required fields are marked *