Categories

اعلان

Loading…

د پاکستان کوم ځای درد کوي | صاحبزاده احمد توانا

تیره ورځ د پاکستان سنا جرګې په کندز کې د ارچي په مدرسه کې د افغان ځواکونو د عملیاتو سخته غندنه وکړه او له متأثیرینو سره یې خواخوږي وښوده خو دا له کومه درده!

مونږ ټول په دې خبره پوهیږو چې پاکستان له تیرو پنځو لسیزو را پدې خوا افغانانو ته ځان د اسلام مصدر او د دین مرجع او حامي معرفي کړی دی اخواني تنظیمونه یې په خپل چپ زنګون کښینولي او په ښي لاس یې ښه نازولي روزلي او زمونږ د هیواد د هر پرمختګ او بهبود په مخ کې یې درولي ، زمونږ د کور کلي پلچک چې د لرګیو له پوښښه ترقي کړې او د سیمنتو او سیخ په مټ جوړ شوی هغه یې د کفارو کار بللی او جهاد ته یې خپل بړیڅي (په نامه اسلام پال تنظیمونه) ګمارلي دي.

زمونږ عوام خو بیشکه چې کل انعام دي خو کله کله مو خواص هم یا د خپلو هوسونو له تاوه او یا هم د خپلو بادارانو په اشاره تر عوامو بدتر انعام شي .

د کندز د ارچي په پیښه کې شک نشته چې یو شمیر ددغه په دین میئن اولس بچیان چې خاص د خدای د کتاب د زده کړي لپاره هلته میشت وو شهیدان شويوي خو پاکستان هغه نه ژاړي ، هغوی هغه څوک ژاړي چې خپلې وینې رخیصتاً في سبیل سیاست پاکستان تویوي او سرورنه د هغوی د اهدافو لپاره خاورې کوي ، پاکستان هغه څوک ژاړي چې پاکستاني بیرغونه ورسره وو او د افغان پاکه خاوره یې د پاکستان د اردو او استخباراتو تر حکم لاندې راوستې او د افغان عوامو د دینې او اسلامې احساساتو سره لوبې کوي .

د پاکستان د سنا مجلس او د پاکستاني جهلاوو (په نامه علماوو) تند غبرګون چې طبعاً د نظامي استخباراتو په دستور ترسره کیږي دلته درې وجي لرلای شي اوله دا چې د هغوی کوم د کار کس به پکې د جهنم لور ته سوق شوی وي (کیدای شي وروسته ښکاره شي) بله دا چې د افغان عام او په دین میئن اولس احساسات بل لور ته تشویق کړي او د همیش په شان د خپلو بړیڅو په خولو دغه واقعه په دین او عقایدو د حکومت تیری تبلیغ کړي او دریم دا چې د پاکستان د بیخبره او ساده لوحه طبقې ذهن پدې هکله چې ولي یې نړیوال تروریزم ته پناه ورکړې بدل کړي او ځان د اسلام حامي او حارس ثابت کړي چې پدې کې ورسره د عربي هیوادونو یوشمیر له دنیایی لوبو او سیاستونو بیخبره شیخان هم همغږي دې.

د پاکستاني استخباراتو غټه کامیابي په دې کې ده چې د اسلام تر پوستین لاندې کار کوي او د پاکستاني عوامو تر څنګ یې د افغان عوامو یو شمیر هم تر دې تأثیر لاندې راوستی چې د خپل حکومت هر کار ورته له دین سره په تضاد کې ښکاري البته هغه دین چې  پاکستاني استخبارات یې په خپلو مدرسو کې خلکو ته ښایې او زمونږ د ټولنې یو لوی ټولګی د همدې مدرسو پیداوار دي . وخت ناوخته ورته د اسلامپالو (اخوان الپنجابیین) په نامه ډلو مشران هم خدمت کوي .

اوس تقریباً دا خبره واضحه شوی چې په پاکستان او افغانستان کې د اسلامپالو په نامه ډلې ، پیران او اخوندان د چا په اشاره او د څه لپاره کار کوي .

که عوام تیرووځې کل انعام دي خو که خواص لکه حامد کرزی ، عمر زاخیلوال او امثالهم تیرووځي نو دا بیا څوک دي   ؟

ځواب تاسي ووایۍ !  

292 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2