Categories

اعلان

Loading…

نه لیدل کېدونکی سکرین جوړ شو

تاند- د امریکا په برکلې پوهنتون کې ساینسپوهان د داسې نازک سکرین په جوړولو بریالي شوي چې کله ګول شي، په سترګو نه لیدل کېږي.

د ساینس ډیلي ورځپاڼې د راپور له مخې، دا سکرین صرف د ۳ اتومونو هومره پنډ دی او په عین حال کې ډېر انعطاف منونکی دی.

په ۲۰۱۵ کې ساینسپوهانو ویلي و چې د داسې یوه سکرین د جوړېدو امکان شته چې که ګول وي نو به په سترذګو نه لیدل کېږي.

اوس ساینسپوهانو خپلې مخکینۍ څېړنې بشپړې کړي او دا ډول سکرین یې جوړ کړی دی.

د دې سکرین لومړنۍ نمونه زیاته انرژي مصرفوي، خو څېړونکي اوس په دې کار کوي چې مصرف یې ورکم کړي څو وروسته په پراخه پیمانه په سترګو نه لیدل کېدونکي سکرینونه جوړ او بازار ته راوباسي.

دا ځیرک یا سمارت سکرینونه پر دېوالونو، شیشو او حتي د انسان پر پوستکي هم کارول کېدای شي.

په دې اړه د ساینسپوهانو د کار نتیجه په نېچر کمونیکېشن نشریه کې خپره شوې ده.

په راتلونکو وختونو کې به یو دېوال یا د کړکۍ شیشه وینئ چې هیڅ شی پرې نشته خو ناببره به د ریموټ کنترول په وسیله پرې تلویزیون څرګند شي.

84 total views, 3 views today

Leave a Reply

Your email address will not be published. Required fields are marked *