Categories

اعلان

Loading…

د دشت ارچي غمیزه | شفیق اندړ

 د حمل په دیارلسمه نیټه د دشت ارچي د دفتاڼو د کلي په یوه مدرسه کې د دستاربندي په مراسمو باندې بمباري په لسګونو کسان وژلي او ژوبل کړي دي. هغوی چې له حکومت سره خواخوږي لري، ډیر زور یې په دې خبره دی چې د کوټې شورا هیات او د طالبان مهم قوماندانان پکې وژل شوي دي او هغوی چې له طالبانو سره خواخوږي لري، په دې زور اچوي چې په دې پیښه کې ملکي کسانو ته درنه صدمه رسېدلې ده.

 خو دغه دواړه متفاوت ګزارشونه که سره یو ځای کړو نو مشترک ټکی یې دا دی چې د افغانستان خلک وژل شوي دي، د افغانانو میندې بورې شوې دي او د افغانانو ماشومان یتیمان شوي دي.

  طبعا الوتکو له دې سره دلچسپی نلرله چې عام او ملکي کسان ووژل شي خو دا دستور دی چې له وچو سره لامده هم سوځي. د صدارت په څلور لاره کې چې تیر ژمی شاوخوا سل کسان ووژل شول، طبعا د طالبانو او د هغوی د انتحاري مقصد به دا و چې تر وسه وسه پولیس ووژني، نه عام لارویان، مګر کله چې د جګړې اور بل شي، بیا نو ډیر ځله ملکي کسان هم له منځه ځي.

د ارچي په بمبارۍ کې ټپي شوی ماشوم/ عکس د فرانس پریس عکاس اخیستی دی

 نو، اصلي جنجال جنګ جوړ کړی دی او د دې پیښو د مخنیوي لپاره باید له جنګ سره مخالفت وشي.

 طالبان وایي چې اوربند او د سولې خبرو ته ځکه تیار نه دي چې په افغانستان کې امریکايي عسکر حضور لري مګر په دې باره کې بیا څه نه وایي چې د جنګ ادامه خو امریکایانو ته نه بلکې افغانانو ته صدمه رسوي او د ارچي په مدرسه کې، یا د کابل د جمهوریت روغتون په څنګ کې یا د لشګرګاه د غازي ایوب خان سټیدیم مخې ته چې څوک مري، هغه د دې وطن اوسېدونکي او کلمه ګوی دي.

 دا خبره بیا بیا شوې ده او دلته یې یو ځل بیا کول پکار دي چې امریکایان خو که وغواړي د هوا له لارې هم او ان له هند سمندرګي څخه هم په افغانستان کې خپل نظامي حضور ته ادامه ورکولای شي.

 نو که د جنګ د دوام منظور د امریکایانو له حضور سره مخالفت وي، دا خو هغه د دري متل دی چې ده کجا او درختها کجا؟ دا چې د افغانستان مدرسې ړنګیږي، جوماتونو کې انتحاري حملې کیږي، د جنازي په لمونځونو کې چاودنې کیږي یا په سړکونو کې ماینونه فرش کیږي او په دغو هڅو باندې له امریکایانو سره د جهاد نوم ږدو، دا هسې ټوکې دي او منطق نلري.

 د شمالي کوریا مشر په دنیا کې په کم عقلۍ باندې مشهور دی خو دغه کم عقل سړي هم له امریکا سره د جنګ لاره خوښه نکړه او دې نتیجې ته ورسېد چې د خپلو اختلافونو د اواري لپاره خبرو ته کېني.

 د افغانستان د سولې د عالي شورا د دارالانشا رییس ډاکتر اکرم خپلواک څو ورځې له مخه په وضاحت سره وویل چې که طالبان د سولې خبرو ته کېني نو د امریکا د عسکرو د وتلو لپاره د تقسیم اوقات جوړول به د دې خبرو اترو یوه موضوع وي.

 ایا د امریکايي عسکرو د وتلو لپاره په اصطلاح جهاد کې باید جومات او مدرسه له منځه لاړ شي، که خبرې وشي او واقعي حل لارې وموندل شي؟

 حقیقت دا دی چې د دشت ارچي د مدرسې په پیښه کې یا د وطن د مختلفو ساحو په دغسې غمجنو پیښو کې د ملامت او سلامت بحث زموږ مشکل نه حل کوي، زموږ واقعي  مشکل له جنګ سره دی. د جنګ د خاتمې لپاره باید او د اوربند او د سولې د مذاکراتو لپاره باید هڅې زیاتې شي.

  طالبانو څو اونۍ له مخه وویل چې جنګ د حل لاره نه ده. حکومت هم همدا خبره کوي او امریکا هم وایي چې د افغانستان مشکل باید د سولې د خبرو له لارې اوار شي، نو اوس چې د جنګ په بې فایدې والي باندې له هر لوري اعتراف کیږي، پکار ده چې د جنګ د ختمولو لپاره خبرې پیل شي او ستونزو ته سیاسي حل لارې وموندل شي.

340 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2