Categories

اعلان

Loading…

طالبانو د لوګر په څرخ ولسوالي کې ښوونځي بند کړي

تاند- وسله والو طالبانو د لوګر ولایت په څرخ ولسوالي کې ټولو ښوونځیو ته خبرداری ورکړی چې په نتیجه کې یې د دې ولسوالۍ د ښوونځيو دروازې د زده کوونکو پرمخ بندې شوي دي.

وسله والو طالبانو په تېرو ۱۷ کلونو کې په بېلابېلو نومونو او پلمو د جنوبي او ختیځو ولایتونو اکثره اوسېدونکي له زده کړو محروم کړي دي. یو وخت یې ښوونځي سوځول او ادعا یې کوله چې په ښوونځیو کې عیسویت تدریس کېږي، بیا یې په دې پلمه ماشومان له زده کړو راګرځول چې د لومړي ټولګي په کتابونو کې د الف الله پر ځای الف الوبالو لیکل شوی دی.

د لوګر د څرخ ولسوالي اوسېدونکي وايي طالبانو د ښوونځیو د تړلو لپاره دا ځل د افغان امنیتي ځواکونو عملیات پلمه کړي دي.

دوی وايی چې طالبانو ورته ویلي چې په دې خاطر ښوونځیو ته د فعالیت اجازه نه ورکوي چې افغان امنیتي ځواکونه په دې ولسوالۍ کې د طالبانو پر ضد تصفیوي عملیات کوي.

د دوی په وینا وروسته له دې چې د جمعې په شپه د څرخ لپاره د طالبانو ولسوال مولوي حنیف حنیفي په یوه هوايي حمله کې ووژل شو، دې ډلې د ښوونځیو په اړه خلکو ته خبرداری ورکړ.

د څرخ قومي مشران هڅه کوي؛ طالبانو ته قناعت ورکړي چې د جګړې مسایل له ښوونځیو سره ونه تړي.

د طالبانو د خبرداري له کبله په څرخ ولسوالي کې تر یوولس زره زیات زده کوونکي له زده کړو پاتې شوي دي.

د افغانستان د پوهنې وزارت د معلوماتو پر اساس په ټول هیواد کې شاوخوا زر ښوونځي د دولت د وسله والو مخالفانو، په ځانګړي ډول د داعش او طالبانو د ناامنۍ له کبله بند دي.

453 total views, 1 views today

1 comment

  1. سلبمان Reply

    دې د علم او انسانیت دښمنانو سره بیا ځينې خلک کوښښ کوي چې سوله وکړي. چې په یو چا کې انسانیت نه وي د داسې خلکو سره سوله او همدردي د انسانیت پورې خندا کول دي. د داسې جاهلو او وحشیانو سره سوله ددې په معنې ده لکه په خپل کور کې چې لیونې سپی د ځنځيره خلاص کړې.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2