Categories

اعلان

Loading…

په سمندر کې د یوه هیواد هومره غورځول شوې خځلې

تاند – له دې خبر یاست چې په ارام سمندر کې د غورځول شویو پلاستیکونو او نورو خځلو یا کثافاتو اندازه به څومره وي؟

مېل ورځپاڼې په یوه راپو رکې ویلي چې په ارام سمندر کې غورځول شویو کثافاتو د فرانسې د خاورې هومره ساحه ډکه کړې ده.

د هوا له لارې له اخیستل شویو تصویرونو ښکاري چې د امریکا د کلیفورنیا په لوېدیځ کې په سمندر کې ۷۹ زره ټنه پلاستیک اچول شوي دي. دا اندازه تر پخواني اټکل ۱۶ ځلې زیاته ده.

له دې داسې ښکاري چې په دې سیمه کې تر هغه څه چې مخکې څېړونکو اټکل کاوه، خورا زیات پلاستیک کوټه شوی دی.

څېړونکي وايي چې له دغو کثافاتو څخه وتونکي زهرجن یا ټاکسیک مواد کبانو ته انتقالېږي او کله چې انسانان د کب غوشه خوري، انسان ته لېدي.

ډاکتر لورینټ لیبرټن، چې د دې څېړنې یوه له دوو لیکوالوانو څخه دی، مېل انلاین ته ویلي، په پسفیک یا ارام سمندر کې د کثافاتو دا لوی ډېران د هاوايي او کلیفورنیا ترمنځ موقعیت لري.

څېړونکي وايي چې د دې ډېران په سلو کې ۹۹ اشعاریه ۹ پلاستیک دی.

دوی دغه راز وايي چې یو ملیارد او ۸۰۰ ملیونه پلستیکي ټوتې د اوبو پر سر لامبوزنې دي.

11 total views, 1 views today

Leave a Reply

Your email address will not be published. Required fields are marked *