Categories

اعلان

Loading…

پسرلی راغی ته رانغلې | محمد وسیم وصال

په موسمونو کې تر ټولو ښکلی او په زړه پورې موسم پسرلی دی چې ځان سره نوې هیلې، امیدونه او بدلونونه راوړي. د پسرلي په راتګ سره هر څه ادلون بدلون وکړ، هو! باید وې کړي، موسم هم بدل شو د خلکو ذهنونو هم یو څه تغیر وموند، نه پوهېږم چې ته به کله بدلون کوې؟ ستا ذهن به کله بدلون مومي ای! په تا پسرلی رانغی؟ ته تغیر نه کوې؟ ولې یې نه کوې؟ ته انسان نه یې؟ د خدای مخلوق نه یې؟ نو ځه ته یې ووایه ته به کله تغیر کوې؟ ته به کله خپل وجود سره یوځای کېږې؟ تر کله به دې دا وجود پارچه پارچه کوې؟ ته به کله خپل کور ته راځې هغه کور چې ستا لپاره یې مخکې هم، اوس هم او بیا هم دروازه خلاصه کړې وه.

وګوره هغه دی موسم هم په خپل اوښتون سره انسانیت ته په عملي توګه د بدلون درس ور وښود. پسرلی راغی خلکو ځانونه څه ان دنیا خپل ځان بدل کړ، ته وګوره څومره ښکلې ښکاري له ځانه یې تورڅادر لرې کړی، وګوره کنه! څنګه ښایسته ژرغون ښکاري، ته پوهېږي دا خبرې هم نه شي کولای، دا عقل نه لري دا شعور نه لري دا ځمکه ده هغه چې ځان یې ټولو انسانانو، حیواناتو او نباتاتو ته خم کړی او د بیلا بیلو ښکلا ګانو په را برسېره کولو سره نورو ته هم ثابتوي چي له مثبت بدلون وروسته د نتېجې په توګه به داسې ثمرې، ابادۍ او لاسته راوړنې ولرئ تر څو ځان د نورو په چوپړ کې کړئ. ای! تاته وایم له دې ځمکې نه الله هېڅ پوښتنه نه کوي، دا د محشر په ورځ څوک نه پوښتي خو تا پوښتي فکر دې اوسه ته اخیرت لرې سوال درنه کېږي ځواب درنه غواړې ته مسوول یې الله سره به مخ کېږې اخیر ته ولې دومره نا ترسه یې ولې ولې!

زموږ ګران هېواد چې د پسرلو وژونکي پکې له څلورو لسیزو را په دېخوا د خوشحالیو او ښکلا ګانو د زېندۍ کولو  په ګرمه یرغلیزه جګړه بوخت دي بیاهم پکې د بدلون هېله نه ده مړه شوې، وګوره هر چا بدلون وکړ هر څوک په دې هڅه کې دي چې بدلون وکړي خو ته یې نه کوې. داسي خلک هم شته دی چې خپل بچیان او ځان ټوټه – ټوټه کوي مګر د هیواد ټوټه کېدل نشي زغملای او غواړي هم نه ځکه دوی ډيرې ناخوالې لیدلي دي، دوی دردېدلي دي، دوی ژړېدلي دي، دوی په هېڅ صورت نه غواړي چې یو ځل بیا داسې دردونه تېر کړي، دوی غواړې نور په سوله، عزتمن او د خپلو دیني ارزښتونو په رڼاکي ژوند ولري.هو دا هم وایم دا خلک امېدونه لري، دا خلک هېلې لري، خو څه وکړي بېچارګان څه ووایې څه نه شي کولای دوی د پردي اشغال لاندې دي خو بیا هم ځان خپلواک بولي، ډیر کم خلک دي چې د موسمي اوښتون په راتلو سره  د خپل حالت اوښتو ته په هیله دي، خو بیا هم په شکل د اشکالو ځان بدلوي.

زه د پسرلي کېسه کوم او تاته دا وایم چې راشه نور، نوی کال هم راغی خو ته رانغلې اخیر ته به کله راځې. زما او زما د مشر خبره منل تاته ننګ ښکاري، ولې درته ننګ ودرېږي؟ راځه سترګې پټې که مه شرمېګه د پسرلي نه یې زده که یو دم ځان بدل که، لکه اوس چې څنګه ځمکې ځآن بدل کړ له دې ځمکې نه یې زده که. چې پسرلی په یواځې ځان فضا او د ټولې ځمکې مخ بدلوي ته یې نه شې؟ ښه یې شې خو یو عظیم هوډ درته پکار دی. پسرلی چې د مرغانو شور، د شبنم څاڅکو، د ټولو مېوو وجود، د ګلانو خوشبویي او د ځمکې د زرغونتیا په څیر لویو رنګینیو سره موږ ته د  ژوند فلسفه را زده کوي راځه ته یې هم را زده که موږ یې منو، موږ دې ننداره کوو خو چې راشې. په وروستیو کې دا ټپه وایم او تاته دې ډالۍ وي ځکه ته زما وجود یې ته زما د زړه ټوټه یې.

پسرلی راغی ونې ګل شوې

زما د زړه ونې خزان وهلې دینه

301 total views, 3 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2