Categories

اعلان

Loading…

په جرمني کې یو افغان د جنسي تېري او قتل په جرمونو په عمري قید محکوم شو

تاند- د حسین خاوري په نوم یو افغان، چې د یوه جرمني چارواکي لور یې وژلې وه، په عمري قید محکوم شو.

حسین خاوري، چې په درغو یې ادعا کړې وه چې تر ۱۸ کلونو کشر دی، د اروپايي اتحادیې د یوه جګپوړي چارواکي پر لور لومړی جنسي تېری کړی او بیا یې په بې رحمۍ وژلې وه.

د ۱۹ کلنې ماریا لادینبورګر دغه قاتل ته نن محکمې سزا اعلان کړه.

ماریا لدېنبرګر د پېښې قرباني نجلۍ

خاوري پخوا ادعا کړې وه چې ۱۷ کلن دی خو د عمر ازمېښت څرګنده کړه چې نوموړی ۲۲ کلن دی.

په جرمني کې عمري قید د بند تر ۱۵ کاله زیاتې مودې ته وايي، خو محکمې نن وویل چې د ضرورت په صورت کې کېدای شي خاوري تر دې زیات وخت په بند کې تېر کړي ځکه چې ده دوه لوی جرمونه کړي دي.

خاوري پخوا یوازې دا اعتراف کړی و چې د طب پر محصلې ماریا یې جنسي تېری کړی دی خو هغه په تصادفي ډول ووژل شوه.

ده دا هم ویلي چې په هماغه شپه له ملګرو سره بار ته تللی و او په نشه حالت کې له خپلو ملګرو جلا شو.

ده همداراز ویلي چې په تصادفي ډول له ماریا سره، چې پر بایسکل سپره وه، مخامخ شو.

ده همداراز اعتراف کړی چې د هغې خوله یې په لاس کلکه ونیوله، په دسمال یې وتړله او په بیهوشه حالت کې یې اوبو ته واچوله.

خاوري وايي چې سخت نشه و؟

ده په محکمه کې د ماریا له کورنۍ بخښنه وغوښته او له هغې یې وغوښتل چې دی معاف کړي.

2 comments

  1. احمد Reply

    دغو لعنتیانو ته افغان مه لیکئ ځکه دوی په افغان او افغانستان شرمیږي او افغان او افغانستان په دوی شرمیږي. دا منګولیایان دي.‌

  2. SAPI Reply

    d da la qawaree xo xkari che Afghan na belki Iranoy vi! zka la iron na tlly fatimiyonu ba zaan afgan verkirry vi ; aw ya pa iron ki ba peyda swy vi.
    Asil Afghan kho dasy badd na kawi!!.
    aw d 2 na belki 3 jurma yi kirry. Nasha, Tejavoz, Katil

Leave a Reply

Your email address will not be published. Required fields are marked *