Categories

اعلان

Loading…

اوبه لرونکې سیاره وموندل شوه

تاند- د فضايي علومو څېړونکو له شمسي نظامه دباندې یوه سیاره موندلې چې په اتومسفیر کې یې زیاتې اوبه لیدل کېږي.

دا سیاره له مځکې ۷۰۰ نوري کاله لېرې ده.

د سپېس ویبپاڼې د راپور له مخې، دا سیاره، چې ناسا پرې (WASP-39 b) نوم ایښی، زُحل ته زیات ورته والی لري.

د ناسا څېړونکو اټکل کړی چې دا سیاره د زُحل ۳ برابره لویه ده.

که څه هم دا سیاره د سایز یا اندازې له پلوه له زُحل سره پرتله کېږي خو دا دوې له یو بل سره هیڅ ورته والی نه لري.

(WASP-39 b) له شمسي منظومې وتلې او د سُنبلې په فلکي صورت کې موقعیت لري.

د ناسا څېړونکو د هابل او سپیټزر ټیلسکوپونو د معلوماتو پر اساس په دې سیاره کې د اوبو او نورو مالیکولونو څرک لګولی دی.

دا سیاره په هرو څلورو ورځو کې یو وار تر خپل لمر راڅرخي او له خپل لمر سره واټن یې د شمسي نظام د لمر او مځکې په پرتله ۲۰ برابره لږ دی.

د ورځې په دې سیاره کې د تودوښې درجه د سانتي ګراد ۷۷۶ اعشاریه ۷ ته رسېږي، د شپې له خوا هم همدومره وي. او علت یې دا دی چې سخت بادونه دي چې تودوښه د دې سیارې له شاوخوا څخه ورته انتقالوي.

د ناسا څېړونکو د تحقیقاتو په لړ کې د دې سیارې په اتومسفیر کې اوبه لیدلي دي.

دوی پخوا اټکل کاوه چې په دې سیاره کې به اوبه ومومي خو په اوسنۍ اندازه زیاتې اوبه د دوی له تصوره زیاتې دي.

15 total views, 1 views today

Leave a Reply

Your email address will not be published. Required fields are marked *