Categories

اعلان

Loading…

امریکا وايي، که پاکستان د ترهګرو مخه ونه نیوله پخپله به اقدام وکړي

تاند- امریکا وايي، که پاکستان له خپلې خاورې افغانستان ته د یاغیانو د اوښتو مخه ونه نیوله، امریکا په افغانستان کې د خپلو پوځیانو او پرسونلو د ساتنې لپاره د لازمو اقداماتو کولو ته تیاري نیولې ده.

د پاکستان ډان ورځپاڼې نن /شنبه/ راپور ورکړ چې امریکا دا خبره څو ساعته وروسته له دې وکړه چې د جمعې په ورځ د پاکستان صدراعظم خاقان عباسي د متحدو ایالتونو له مرستیال ولسمشر مایک پینس سره وکتل.

پاکستان ته دا خبرداری، چې اشاره یې د پاکستان په خاوره کې حملو ته وه، د جمعې په ورځ ماسپښین په یوه ځانګړي خبري غونډه کې ورکړل شو.

تر دې وړاندې د پاکستان صدراعظم خاقان عباسي د امریکا د سمندري ځواک په یوه اډه کې له مرستیال ولسمشر مایک پینس سره وکتل.

پینس د پاکستان صدراعظم ته یو وار بیا د ولسمشر ټرمپ دا غوښتنه تکرار کړه چې د پاکستان حکومت باید په خپله خاوره کې د طالبانو، حقاني شبکې او نورو تروریستي ډلو حضور پای ته ورسوي.

د سپینې ماڼۍ په خبرپاڼه کې د پینس له خولې راغلي دي«پاکستان له امریکا سره له نژدې همکاري کولی شي او باید همکاري وکړي.»

ډان د نامعلومو سرچینو له قوله وايي چې ښاغلي پینس له ښاغلي عباسي سره په خپلو ټولو ۳۰ دقیقو خبرو کې پر افغانستان تمرکز وکړ.

ورځپاڼه زیاتوي، له دې کتنې شاوخوا ۴ ساعته وروسته، یعني د جمعې په ورځ د ماسپښین په درې بجې د ټرمپ د حکومت څو جګپوړو چارواکو د واشنګټن مېشتو خبریالانو لپاره ځانګړې خبري غونډه جوړه کړه څو له دې لارې د افغانستان په اړه د پاکستان پر پالیسۍ نارضایتي وښيي.

ورځپاڼې د امریکايي چارواکو نومونه یاد کړي نه دي.

یوه امریکايي چارواکي وویل «د جنوبي اسیا د پالیسۍ (ستراتیژۍ) له اعلانه ۶ میاشتې وروسته، پاکستان لا هم داسې پرېکنده اقدامات نه دي کړي چې امریکا یې غواړي. موږ د طالبانو او حقاني شبکې پر ضد د عملي اقداماتو غوښتونکي یوو، نه د الفاظو.»

ده له پاکستانه د تروریستانو پر ضد د همکارۍ او اقدام غوښتنه وکړه او په عین حال کې یې خبرداری ورکړ چې امریکا ځان دې ته تیار کړی دی چې که پاکستان اقدام ونه کړ په افغانستان کې به د خپلو پرسونلود ساتنې لپاره په خپله اقدامات وکړي.

ده زیاته کړه«دا په پاکستان پورې اړه لري چې د څه ډول اړیکو د لرلو غوښتونکی دی. امریکا لا هم د پاکستان له مشرانو سره په خبرو بوخته ده او لېواله ده چې هغوی د امریکا اندېښنې له منځه یوسي.»

امریکايي چارواکو وویل چې ولسمشر ټرمپ په پر له پسې ډول د جنوبي اسیا لپاره خپله ستراتیژي څاري.

دا ستراتیژي ولسمشر ټرمپ د تېر کال په اګست میاشت کې اعلان کړه او له پاکستانه یې وغوښتل چې په خپله خاوره کې د طالبانو او نورو ترهګرو ځالې ختمې کړي.

امریکايي چارواکو له خبریالانو سره په خبرو کې وویل«ولسمشر په زغرده ویلي چې تراوسه پورې د پاکستان له اقداماتو خوښ نه دی. موږ (له پاکستان سره) د قاطع عمل غوښتنه شریکه کړې ده.»

تر دې وړاندې مرستیال ولسمشر مایک پینس د پاکستان له صدراعظم سره په واشنګټن کې د کتنې په ترڅ کې په دې ټینګار وکړ چې پاکستان باید په خپله خاوره کې د ترهګرو خلاف فوري اقدام وکړي او هغوی پرېنږدي چې افغانستان ته واوړي.

431 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2