Categories

اعلان

Loading…

د منظور پښتین سره خولۍ په یوه سمبول بدله شوې

تاند- منظور پښتین عموماً په داسې حال کې لیدل کېږي چې سره او توره خولۍ یې پر سر وي.

الجزیرې تلویزیون د پښتین د خولۍ په اړه په یوه راپور کې ویلي چې پښتین دا خولۍ د جنوبي وزیرستان په خپل ښارګوټي سروکۍ کې له یوه بېوزله کارګر څخه اخیستې ده.

۲۶ کلن پښتین خپله نوې خولۍ له دې یوې سره بدله کړې وه.

منظور پښتین

ده الجزیرې ته وویل«هغه راته وویل چې خولې دې راسره بدله کړه، ما ورته وویل ولې نه. ما سمدستي خپله خولۍ ورکړه »

الجزیره وايي، همدا خولۍ پر یوه سمبول بدله شوه: دا ډول خولۍ هغه کسان پر سر کوي چې په پاکستان کې د پښتنو د ساتنې او د هغوی د حقونو لپاره د مبارزې په خاطر د پښتین د هدفونو ملاتړ کوي.

الجزیره زیاتوي، د پښتین شهرت دومره حد ته ورسېد چې ملاتړ کوونکي او پلویان یې ده ته د درناوي په نښه ځان ته پښتین وايي.

د پاکستان د ۱۹۹۸ کال له احصاییې سره سم پښتانه د پاکستان د نفوس په سلو کې شاوخوا ۱۵ دي.

په دې هیواد کې د پښتنو د حقونو او ورسره د ظلمونو خلاف ناره د سږ کال په لومړیو کې پورته شوه.

د جنورۍ د درېمې نېټې په ماښام ۲۷ کلن نقیب الله مسید د پولیسو له لوري په کراچۍ کې په زور یرغمل شو او له ۱۰ ورځې بې درکۍ وروسته د جنورۍ په ۱۳مه پولیسو وویل چې ۴ ترهګر یې وژلي دي. پولیسو دا ادعا هم وکړه چې دغو مشکوکو تروریستانو له داعش او پاکستاني طالبانو سره لاس درلود.

په څلورو وژل شویو کسانو کې یو هم ښکلی ماډل ځوان نقیب الله مسید و.

د کراچۍ د پولیسو مشر راو انور وویل چې مسید له پولیسو سره په وسله واله نښته کې ووژل شو.

وروسته د پاکستان د سترې محکمې له لوري د پولیسو په اړه تحقیقاتو څرګنده کړه چې د راو انور په مشرۍ پولیسو په ۷۴۵ بریدونو کې تر ۴۴۴ زیات کسان وژلي دي.

په تحقیقاتو کې له ترهګرۍ سره د مسید د تړاو په باب هیڅ نښه او شواهد ترلاسه نه شول.

د پاکستان حکومت په پیل کې ادعا کړې وه چې راو انور یې نیولی دی خو نوموړی ازاد ګرځي.

د ځوان نقیب الله مسید بې رحمانه قتل د لسګونو زرو نورو پښتنو پر قتلونو د اعتراض لار هواره کړه.

زرګونو پښتنو د پښتون لانګ مارچ یا پښتون لاریون په نوم ۱۰ ورځې په اسلام اباد کې پرلت وکړ.

پاکستاني رسنیو ته له هماغه پیله ویل شوي وو چې د دې اعتراض خبرونه خپاره نه کړي.

پښتین، چې د ډېره اسماعیل خان په پوهنتون کې یې زده کړې کړي، یو له هغو فعالانو څخه و چې په ۲۰۱۴ م کال یې د پښتون ژغورني غورځنګ بنسټ ایښی و.

د دې غورځنګ هدف د پښتنو، په ځانګړي ډول په وزیرستان کې د مسید قبیلې خلاف د جبر او ظلم پای ته رسېدل و.

پښتین د یوې بېوزله کورنۍ غړی دی. د ده پلار د خپلې سیمې د یوه ښوونځي ښوونکی دی. هغه به، چې ۸ ماشومان لري او په زحمتکښۍ مشهور دی، د ماشومانو د مړولو لپاره تل پور اخیست.

د پښتون ژغورنې غورځنګ غړی او د نقیب الله مسید نژدې ملګری نور رحمان مسید وايي«پښتین هیڅکله د دې لپاره چې مالي ګټه ترلاسه کړي، د پښتنو د حقونو لپاره مبارزه نه ده پیل کړې.»

ده له الجزیرې سره په خبرو کې پښتین یو زړه ور او کلک فعال وباله، ویې ویل چې «دا اسانه کار نه و چې د حکومت او د پاکستان د پوځ پر ضد دې څوک ږغ اوچت کړي.»

په قبایلي سیمو کې د پاکستان د پوځ په عملیاتو کې د لسګونو زرو پښتنو د وژل کېدو او بې درکه کېدو ترڅنګ یوازې د مسید قبیلې ۶ لکه تنه بې ځایه شوي دي.

د پاکستان پوځ وايي چې اوس سیمه خوندي ده او بې ځایه شوي کورنۍ بېرته ورته راتلی شي خو پوځ خلکو ته څه نه دي ورپرې ایښي چې هغوی بېرته ستانه شي.

پښتین الجزیرې ته وویل«کله چې ما غورځنګ پیل کړ، کور په کور به ګرځېدم چې خلکو ته ووایم چې زموږ په سیمه کې کوم ظلمونه او بې عدالتۍ روانې دي. خو اکثره وخت به ما ته دا ځواب راکول کېده: پښتینه وبه وژل شې. دا کار مه کوه.»

پښتین وايي چې له خپلې سیمې په زور وایستل شو او په غیرقانوني ډول بندي شو او په ځلونو په پاکستان او افغانستان کې له وسله والو ډلو سره د اړیکو لرلو په تور ګواښل شوی دی.

پښتین وايي تر ۳۰ زره زیات پښتانه د پاکستان د پوځ له لوري د عملیاتو په مهال بې درکه شوي دي.

616 total views, 3 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2