Categories

اعلان

Loading…

په کابل کې انتحاري حملې ۷ تنو ته مرګ ژوبله واړوله

تاند- د کابل په ختیځ کې په یوه انتحاري حمله کې لږترلږه ۳ تنه وژل شوي او څو نور ژوبل دي.

په دې حمله کې، چې د کابل – جلال اباد په لاره کې وشوه، د یوې بهرنۍ کمپنۍ جي ۴ ایس کارکوونکي په نخښه شوي دي.

د روغتیا وزارت وايي روغتونونو ته د ۳ تنو مړي او ۴ ټپیان رسول شوي دي.

وسله والو طالبانو د دې برید مسوولیت په غاړه اخیستی دی.

د کورنیو چارو وزارت ویندوی نجیب دانش خبریالانو ته وویل«د سهار په شاوخوا ۹ بجې او ۱۰ دقیقې د کابل ښار په نهمه امنیتي حوزه کې یوه موټر بمي انتحاري حمله وشوه، دوه ملکیان یې ووژل او څو نور ژوبل کړل.»

د دانش په وینا حمله داسې وخت وشوه چې ډېر خلک کار ته روان ول.

د کورنیو چارو وزارت مرستیال ویندوی نصرت رحیمي وویل چې انتحاري حمله کوونکي غوښتل چې د جي ۴ لیس کمپنۍ پر کارکوونکو حمله وکړي خو مخکې تر دې چې هدف ته ورسېږي ځان یې والوزاوه او عامو لارویانو ته یې مرګ ژوبله واړوله.

8 total views, 1 views today

Leave a Reply

Your email address will not be published. Required fields are marked *