Categories

اعلان

Loading…

د ازادۍ ولولې | مجید ژړاند

د ډیلي تخت هېرومه چې رایاد کړم
زما د ښکلې پښتونخوا د غرو سرونه

له نن څخه 270 کاله وړاندې د معاصر افغانستان (لوی افغانستان) بنسټ ايښودونکي امپراتور لوی احمد شا بابا د ډیلي سوبه وکړه، تر اصفهان او مشهد پورې یې لښکرې ورسېدې، له امو واوښت له سمرقند او بخارا د سوبې غږونه راغلل.
احمد شابابا د ډیلي پر تخت نارامه و، د پښتونخوا د هسکو غرونو ستاینه کوي، د احمد شا بابا د امپراتورۍ ساحه پراخه وه، پوښتنه دا ده چې احمدشابابا ولې دغه نورې سیمې په خپل قلمرو کې شاملې نه کړې؟


احمد شابابا ددې سیمې کلتوري، سیاسي، اقتصادي او فرهنګي مشترکاتو په درلودلو سره له امو تر اباسینه د معاصر افغانستان لویه نقشه رامنځ ته کړه.


د لوی افغانستان دوه محکوم ولایتونه چې نن پنجاب سامراجي فوځ تر استبداد لاندې دي، موږ فرهنګي، سیاسي، اقتصادي او کلتوري مشترکات لرو، له امو تر اباسینه زموږ سیمه ده، له کله چې په ۱۹۴۷ز کال په سیمه کې پاکستان تشکیل شوی، لا هماغه ورځې په محکومو ولایتونو کې پر محکومو افغانانو د پنجاب ظلم او استبداد روان دی، په مورنۍ خاوره کې هم ای، ایس، ای د ځینو پلیتو کړیو په مرسته هڅه کوي، چې د لوی افغانستان د سپېڅلې داعیې غږ د خپ کولو لپاره د پښتونستان په نوم ځینې حرکتونه پیل کړي، چې دا حرکتونه زموږ د تباهۍ تر ټولو څرګند ثبوت دی، ډیورنډ فرضي کرښې یواځې پښتون په دوو برخو وېشلی نه دی، بلکې د متحد افغان په یو وجود داسې مرګونی ګوزار دی، چې تر ننه د هغه ټپ له کبله د وروڼو قومونو تر منځ د بېلتون هڅې کېږي، ډیورنډ فرضي کرښې په وسیله پښتون، بلوڅ، هزاره او مېشت قومونه چې په لر او بر کې اوسیږي، سره بېل شوي او موږ تر ننه ددغه فرضي کرښې له کبله په لر او بر کې د سرونو قلنګ ورکوو او لوستي ځوانان مو وژل کېږي.


دا ځلې د لوی احمدشابابا لمسیان په لر او بر کې د لوی افغانستان د رامنځ ته کېدو هڅه کوي، په مورنۍ خاوره کې د لوی افغانستان د فکري مبارزې لپاره هڅې ګړندۍ شوې، د هرې ورځې په تېرېدو سره د لوی افغانستان د فکري مبارزې سنګر غښتلی کېږي او له ورځې بلې ته زموږ دغه کاروان غښتلی کېږي.


په محکومه پښتونخوا کې 2018ز کال د افغانانو د ویښتابه کال بللی شو، په اسلام اباد کې د محکومو افغانانو پرلت وښوده، چې دوی له پنجاب څخه کرکه کوي، د پنجاب مظالمو په وړاندې پیل شوي پرلت د فبروري تر لسمې دوام وکړ، خو ددغه پرلت نه وروسته د لوی افغان لویې چیغې لا شور جوړ کړ او تر ننه د پنجاب پر ضد د محکومو افغانانو پیاوړي حرکتونه دي، محکومو افغانانو د لوی افغانستان د سپېڅلې داعیې غږونه پورته کړل، لر او بر یو افغان، له امو تر اباسینه یوه مو خاوره یوه مو وینه شعارونو پنجاب سخت وارخطا کړی دی، په ژوب او کلا سیف الله کې د پښتون تحفظ مومنټ په غونډو کې د لوی افغانستان شعارونه او پنجاب د ترهګرو سکنی بلل د لوی افغانستان د رامنځ کېدو لپاره مهم او اساسي ګام دی.


د لوی افغانستان خواره واره ولسونه د خپل یووالي او یو موټیتوب لپاره هڅې کوي او د لوی احمدشا بابا په لاره قدم ږدي، زموږ عزت او سرلوړي لوی افغانستان دی، لوی افغانستان په مورنۍ خاوره او محکومو ولایتونو کې د ټولو ولسونو د عزت او اتحاد یواځینۍ لاره ده او له همدې لارې به موږ تر ګوادره پورې ځانونه رسوو او له اقتصادي احتیاج څخه به خلاصون مومو.

362 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2