Categories

اعلان

Loading…

که طالبان سوله ونه مني، بیا؟ | شفیق اندړ

د کابل پروسې په کنفرانس کې ولسمشر اشرف غني کابو ټول هغه شرایط ومنل چې معمولا به له طالبانو سره د خبرو د پیل خنډ بلل کېدل. ولسمشر غني څرګنده کړه چې حکومت په ټولو موضوعاتو باندې بې قید او شرطه خبرو ته تیار دی. منظور دا چې د خارجي عسکرو د وتلو په اړه له بحثه رانیولې تر اساسي قانون پورې په ټولو موضوعاتو خبرې کېدای شي.

 طالبانو د ولسشمر غني د سولې وړاندیز ته تر اوسه پورې ځواب نه دی ورکړی. د رسنیو په قول طالب ویاند یا ویاندانو ویلي دي چې طالب مشران په دې وړاندیزونو غور کوي. د ویاندانو د دې خبرې مانا دا نه ده چې طالبانو وړاندیزونه رد کړي دي. په مهمو وړاندیزونو باندې غور کول منطقي خبره ده او غور به په مختلفو دلایلو باندې له طالبانو څخه وخت غواړي خو د نه ردولو مانا دا هم نه ده چې وړاندیزونه یې تایید کړي دي.

 د ولسمشر غني د سولې د وړاندیز په مقابل کې که طالبان تر اخره پورې پټه خوله پاتې شي نو مانا یې دا ده چې جنګ ته ادامه ورکول غواړي او دې ته په تمه دي چې هغه غوټه چې په لاس پرانیستل کیږي، په غاښونو پرانیزي.

 هغوی چې معمولا د طالبانو د دریځ ننګه کوي وایي چې څو پورې د امریکایي عسکرو د وتلو په باره کې ډیرې واضح څرګندونې نه وي شوې، طالبان خبرو ته نه تیاریږي او ځکه نه تیاریږي چې د امریکایي عسکرو شتون د دوی د روان جنګ تر ټولو اصلي عامل دی.

 د جګړې د اوږدولو لپاره دغه دلیل ځکه منطقي نه ښکاري چې امریکایانو ویلي دي چې که په افغانستان کې شورش وي، نو د دوی عسکر به هم وي. نو که د افغانستان د حکومت په خلاف د جنګ پلویان جګړې ته ادامه ورکوي، یوه مانا یې دا ده چې په لوی لاس د امریکايي عسکرو د شتون د مودې اوږدول غواړي.

 له بلې خوا د کابل پروسې تر کنفرانس یوه ورځ له مخه طالبانو وویل چې د افغانستان د لانجې د حل لپاره له امریکایانو سره خبرو ته تیار دي. د طالبانو په اعلامیه کې دا نه وو ویل شوي چې اول دې امریکایي عسکر ووخي بیا به له امریکایانو سره خبرې کوي، بلکې اول یې د خبرو غوښتنه کړې وه. دلته هم استدلال کیدای شي چې که له امریکایانو سره د هغوی د عسکرو تر وتلو له مخه خبرې کېدای شي، له خپلو افغانانو سره ولې ونه شي؟

 په منطقي لحاظ طالبانو ته د خبرو نه کولو پلمه نه ده پاتې. دوی که بیا هم له خبرو انکار وکړي نو په سیاسي لحاظ به یې لویه ماته کړې وي.

 د دوی سیاسي شکست چې له روانو نظامي فشارونو سره یو ځای شي، د طالبانو تحریک به له بدو عواقبو سره مخامخ کړي. په روانو نظامي فشارونو کې درې مقصدونو ته زیاته توجه کیږي: یو دا چې طالب وسله وال یو ځای کېدو ته نه پریښودل کیږي، بله دا چې د دوی مالي او عایداتي منابع په نښه کیږي او دریم دا چې د دوی په مشرانو او قومندانانو باندې حملې کیږي. په طالبانو باندې د روانو نظامي فشارونو عمده برخه هوایي حملې تشکیلوي. څرنګه چې له طالبانو سره د هوایي حملو د مقابلې او مخنیوي امکانات نشته نو په حقیقت کې تر ډیره حده په یو طرفه جګړه کې راګیر دي.

 طالبان دا کولای شي چې مثلا  د کابل د جمهوریت روغتون مخې ته انتحاري حمله وکړي او څو نوي کسان ووژني، دوی په عامو لارو کې د ماینونو خښولو یا د عام المنفعه پروژو د تخریب لپاره هم ډیر څه کولای شي خو دا هغه اقدامات دي چې د دوی لپاره په نظامي لحاظ کومه ګټه نلري او بلکې په طویل المدت کې د طالبانو د تحریک د دایمي ختمیدو سبب ګرځي ځکه طالبان له عام ولس سره په مستقیمه دښمني کې ښکېل کیږي.

 که څه هم طالبان ټینګار کوي چې له ایران او خصوصا پاکستان سره د دوی د رابطې په برخه کې مبالغه کیږي خو په دې کې شک نشته چې طالب مشران په پاکستان کې دېره دي او څرنګه چې په پاکستان باندې د امریکا فشارونه مخ په زیاتېدو دي، نو د پاکستان له خوا په طالبانو باندې احتمالي فشار یو بل عامل دی چې طالبانو ته جدي صدمه رسولای شي.

 په افغانستان کې ګڼ هغه صاحب نظران چې پاکستان ته بدبینه وي، وایي چې پاکستان د طالبانو له دوستي لاس نه اخلي او حتی د امریکا فشارونه به وزغمي خو طالبان به له لاسه ورنکړي.

 که فرضا پاکستان د طالب مشرانو له کوربه توبه لاس وانخلي نو امریکا په نهایت کې هغه څه ورسره کولای شي چې له مولوي منصور سره یې وکړل. منظور دا چې پاکستان که د طالبانو حمایت ته دوام هم ورکړي، دا ضمانت نشته چې طالب مشران به په پاکستان کې په امن کې واوسي.

 دغو واقعیتونو ته په پام سره ویلای شو چې که طالبان د سولې وروستی وړاندیز هم رد کړي نو یقینا چې د افغانستان د خلکو توره شپه او بدمرغي به اوږده شي مګر د طالبانو د تحریک لپاره به هم د خودکشي مانا ولري.

 له مختلفو اټکلونو سره سم طالبان د افغانستان له شل فیصده تر څلویښت فیصده پورې قلمرو په خپل کنټرول کې لري او یا یې د ډیر نفوذ ساحه ده. طالبانو دغه ساحه تر ډیره حده په هغو کلونو کې تر لاسه کړه چې امریکایانو د افغانستان په جګړه کې خپله برخه تقریبا نشت ته ورسوله خو اوس چې امریکایان یو ځل بیا په افغان جګړه کې په نسبتا پراخه پیمانه ښکېل شوي دي او په تیرو شپږو میاشتو کې یې طالبانو ته د تیرو لسو کلونو په اندازه صدمه رسولې ده، نو طبعا د طالبانو د کنټرول او نفوذ ساحه په خپل حال نه پاتېږي او خامخا کمیږي. دغه راز په تیرو دوو کلونو کې د افغان اردو انسجام او تقویت د دې سبب شوی دی چې په وروستیو وختونو کې په طالبانو باندې ګڼې کامیابې حملې وکړي. د ۱۳۹۷ لمریز کال لپاره د شپږ دیرش زره کسیز محلي ځواک جوړېدلو مقصد دا دی چې له طالبانو څخه نیول شوي سیمې د حکومت تر کنټرول لاندې وساتي. د دې پروګرام څرګنده مانا دا ده چې که جګړه ادامه پیدا کوي نو طالبان به د ۱۳۹۷ کال تر پایه پورې د خپل اوسني قلمرو لویه برخه له لاسه وکړي.

 یقینا د طالبانو لپاره د سولې د خبرو بهترین وخت همدا اوس دی. دوی که اوس خبرې پیل کړي، خپلې ډیرې غوښتنې به یې پوره شي خو که کال پس خبرې پیلوي نو سوله به یې دوه اړخیزې سولې ته نه بلکې تسلیم ته ورته وي او که جګړې ته په ۱۳۹۸ لمریز هجري کال کې هم دوام ورکوي نو په غالب احتمال د ذکر شوي کال تر پایه به د طالبانو تحریک یوازې د تیر تاریخ یوه برخه وي.

358 total views, 1 views today

1 comment

  1. هارون حسين خيل Reply

    اندړ صاحب دابه ومنو چه طالبان دپاکستان د استخباراتو له چتر لاندي کار کوي خو امريکا ولي د طالبانو نظام له منځه يوړو او بيا يي د بن په کانفرنس کښي بي برخي کړل دا 100 فيصده قصدي کار وه چه امريکايانو خپلي ستراتيژياني عملي کولي او اوس اول امريکا بيا حکومت نه غواړي چه له طالبانو سره سوله وکړي دا فقط عام خلک دوکه کول دي ,او په والله که له کومي ډلي يانظام سره اړيکي لرم..

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2