Categories

اعلان

Loading…

په غزني کې د خلکو احتجاج درېمې ورځې ته اوږد شو

تاند- په غزني کې د بېګناه کلیوالو د وژونکو خلاف د خلکو احتجاج درېمې ورځې ته وغځېد او د کابل – کندهار حیاتي لار لا هم بنده ده.

دا لومړی ځل دی چې په غزني کې د وحشت او بربریت پر ضد خلک پاڅون ته راپورته شوي دي.

د خلکو دا اعتراض، چې د وزیرستان د خلکو په شان د ولسي پاڅون بڼه خپلوي، د جمعې په شپه وروسته له دې پیل شو چې د افغان ملي امنیتي او دفاعي ځواکونو په یونیفورم کې وسله والو کسانو د قره باغ ولسوالي په شېراباد کلي کې د بې وسلې کلیوالو پر کورونو یرغل وکړ؛ دوه ملکیان یې ووژل، دوې ښځې یې ټپیانې کړې او دوه تنه نور یې وتښتول.

ویل کېږي چې په سیمه کې هزاره ګانو، چې په ملي او امنیتي ځواکونو کې یې شمېر زیات دی، له دولتي امکاناتو په استفادې د وزیرو پر کورونو یرغل کړی دی.

تر دې وړاندې هزاره ګانو د دې سیمې پر اوسېدونکو اوبه بندې کړې وې چې لا هم بندې دي او له دې درکه وزیرو ته د ملیونونو افغانیو زیان اوښتی دی.

اعتراض کوونکو حکومت ته خبرداری وکړ چې حمله کوونکي د عدالت منګولو ته وسپاري او کنې قوم به په خپله اقدام وکړي

د غزني والي، امنیه قوماندان او د ولایتي شورا غړیو پرون هڅه وکړه چې مظاهره چیان په وعدو د مظاهرې او احتجاج بس کولو ته وهڅوي خو مظاهره چیان وايي چې په دې ډول ژمنو ډېر خطا ایستل شوي او تر څو چې عملي اقدام نه وي شوی، احتجاج نه بندوي او لاره نه پرانیزي.

احتجاج کوونکو په تېرو درو ورځو کې هیڅ راز تشدد نه دی کړی او مدني اعتراض ته یې دوام ورکړی دی.

اعتراض کوونکو لا هم خپل مړي خاورو ته نه دي سپارلي او وايي، تر هغو د خپلو عزیزانو مړي له روغتون څخه نه باسي چې د دوی قانوني غوښتنې اجرا شوي نه وي.

دوی دغه راز وايي چې لار به هم په همدې ډول بنده وساتي.

خو په لاره کې بند پاتې خلک وايي چې اعتراض کوونکي دې لار پرانیزي ځکه چې له دې کبله عام ولس له کړاوو سره مخامخ کېږي. دوی په عین حال کې وايي چې اعتراض کوونکي دې یوازې هغه خلک په دې لاره تګ راتګ ته نه پرېږدي چې دوی فکر کوي په یو نه یو ډول د شېراباد کلي له قاتلانو سره خواخوږي لري.

احتجاج کوونکي د پښتنو د وژنو پای ته رسېدا غواړي او شعارونه ورکوي«مرګ پر لنډغرو، مرګ د ایران پر جاسوسانو…»

په همدې حال کې اجراییه ریاست وايي چې عبدالله عبدالله پرون د غزني له یو شمېر مشرانو او استازو او د میدان وردک له والي سره وکتل او د قره لاغ ولسوالي د وروستۍ ستونزې په اړه یې پرېکړه وکړه چې یو پلاوی دغه ولایت ته واستوي.

486 total views, 1 views today

1 comment

  1. تراب خان Reply

    پښتون غرق دی. پښتون نور په جګو سترګو نشی ګرځیدلی. پښتون نور ختم دی. پښتون نه غیرت تللی دی. پښتون بی حمته دی. شرم دی ټول پښتون قام ته. چه اوس ژاړی او کوشش کوی چه څوک پری رحم وکړی

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2