Categories

اعلان

Loading…

یو جرمنی چې طالبانو ته یې بمونه جوړول ونیول شو

تاند- افغان امنیتي ځواکونو په هلمند ولایت کې یو جرمنی تبعه د طالبانو د بم جوړولو پر یوه مرکز د حملې په ترڅ کې ونیوه.

رویټرز خبري اژانس وايي، که دا خبره تایید شي نو دا به یوه نادره پېښه وي ځکه چې تر دې وړاندې له طالبانو سره د اروپایانو د همکارۍ خبر نه و خپور شوی. که څه هم ګڼ لوېدیځوال له داعش یا اسلامي دولت ډلې سره په عراق او سوریه کې یوځای شوي دي.

د هلمند د والي ویندوی عمر ځواک وویل، له نیول شوي کس سره د جرمني د تابعیت اسناد موندل شوي دي.

ځواک همداراز وویل چې دغه جرمنی له دوو طالبانو سره د دوشنبې په شپه د هلمند ولایت د ګریشک په یوه حویلۍ کې ونیول شو.

د هلمند د والي ویندوی وايي چې له نیول شوي جرمني څخه پوښتنې ګروېږنې روانې دي خو لومړني تحقیقات ښيي چې دا کس طالبانو په زور نه دی راوستی او د دې ډلې لپاره یې د سړک د غاړې د بمونو په جوړولو کې مرسته کوله.

د جرمني د بهرنیو چارو وزارت یا په افغانستان کې د جرمني سفارت تراوسه پورې په دې اړه څه نه دي ویلي.

494 total views, no views today

1 comment

  1. mha Reply

    May be he was hired by Taliban,

Leave a Reply

Your email address will not be published. Required fields are marked *

۸