Categories

اعلان

Loading…

ایران وايي، افغانستان به د اوبو پر سر د لانجې سرچینه وي

تاند- د ایران د مذهبي مشر د پوځي چارو سلاکار وايي، افغانستان به په راتلونکې کې د اوبو پر سر د لانجو سرچینه وي.

رحیم صفوي، چې پخوا د ایران د سپاه پاسداران قوماندان و، وویل، د ایران او ۱۲ ګاونډ‌یو هیوادونو ترمنځ سیندونه بهیري او دا سرحدي سیندونه په راتلونکې وخت کې د اړیکو او یا هم د اختلافاتو سبب کېدای شي.

صفوي همداراز وویل«په افغانستان کې د امریکایانو د حضور یو دلیل دا دی چې د افغانستان پر حکومت اغېز ولري څو د افغانستان او ایران ترمنځ د اوبو پر ګډو حوزو خپله خوښه عملي کړي.»

ایران ته له ګاونډیو هیوادونو نژدې ۱۰ سیندونه بهېږي چې ډېری یې له افغانستانه دغه هیواد ته بهېږي.

ایران په ځلونو د افغانستان په لوېدیځو ولایتونو کې د بندونو او د اوبو د زېرمو د جوړولو د مخنیوي لپاره د افغانستان د دولت د وسله والو مخالفانو او دغه راز د جنایتکارو ډلو ملاتړ کړی دی.

تروریستي او جنایتکارو ډلو څو ځلې د سلما بند د ویجاړولو هڅه کړې چې په لړ کې یې یو شمېر افغان پولیس شهیدان شوي دي.

حاضردمه د افغانستان او ایران حکومتونه د اوبو د وطش پر سر خبرې کوي. د افغانستان حکومت وايي ایران ته به د هغو اوبو مخه ونه نیسي چې د دغه هیواد حق دی.

89 total views, 1 views today

2 comments

  1. سلبمان Reply

    زمونږ همدا اشتباه ده چې نه مو هیواد جوړ دی او نه مو خلک د کوم شي د مخنیوي وس لري، خو صرف په خوله خلک د ځان دښمنان کوي. پدې حالاتو کې مونږ نه په چا اوبه بندولی شو او نه د کوم ګاونډي مقابله کولی شو. کله چې په پښو ودریدو باید عمل وکړواو اس پکار ده دښمنان کم او دوستان زیات کړو.

  2. Attal Reply

    سلامونه
    هر ګاوندی ته مو پیغام دی چی کله مو په هیواد کی صلحه راسی نو تاسی وارخطا کیزی مه دهر یوه سره به خپل حساب وکرو
    پوهژو چی په تیرو ۴۰ کلونوکی تاسو زموژ دهیواد سره خه کری دی د هخ قسم تجاوز خخه مو دریغ ندی کری
    د سوکاله افغانستان په هیله

Leave a Reply

Your email address will not be published. Required fields are marked *