Categories

اعلان

Loading…

لوست او مطالعه څنګه وکړو؟ | بصيرالحق عادل

مطالعه او لوست چې د پوهې د ذخيره کولو او د مالوماتو د ترلاسه کولو لپاره مهم دي، زموږ ټولنه کې ډېری ځوانان ورسره نه دي عادت.

په ډېری ښوونيزو ادارو، ښوونځيو او پوهنتونونو کې د ډېری محصلينو او زده کوونکو د پوهې کچه يا د دوی وړتيا له دې امله ټيټه ده چې سمه مطالعه نه کوي او يا پر وخت نه کوي.

زه يوه بېلګه وړاندې کووم:

بصیرالحق عادل

زما د مشاهدو له مخې، ډېری زده کوونکي او محصلين هغه وخت مطالعه کوي چې د ازموينې وخت راورسېږي، دلته دوی له ګڼو ستونزو سره مخ وي، له يوې خوا رواني فشار، بل پلو د ازموينې اندېښنه او بل پلو د دوی هغه ستونزې چې چېپټر يا کتاب کې يې لري.

په لږ وخت کې بيا نه دوی له استاد سره اړيکې نيولی شي چې ستونزې يې ور حل کړي او نه د دوی مغز دومره ظرفيت لري چې په لږ وخت کې ډېره مطالعه وکړي او ډېر شيان زده کړي.

د مطالعې لپاره موږ بايد يو منظم پلان ولرو، که د ښوونځي زده کوونکي يا د پوهنتون زده کړيالان ياست نو يو منظم مهالوېش جوړ کړئ، هره ورځ مطالعه وکړئ، د خپلو درسي مضامينو ترڅنګ ازاده مطالعه هم وکړئ، يانې اسلامي تاريخي، ادبي، ټولنيز او مالوماتي کتابونه ولولئ چې دا به تاسو سره مرسته وکړي ترڅو مو د مطالعې لپاره حوصله لوړه شي.

داسې مه کوئ چې په مياشتو مياشتو کتاب نه راخلئ او بيا د ازموينې پر مهال له ډېرو فشارونو سره سره کتاب را واخلئ، دغه مهال مو هيڅ نه زده کېږي او لا نور هم د رواني فشار سره مخ کېږئ.

ډېری محصلين او په عام ډول لوستونکي شکايت کوي چې دوی مطالعه نه شي کولی، حوصله يې نه لري.

دلته بېلابېل اړخونه شته، له يوې خوا زموږ علمي کتابونه په ډېره سخته ژبه ليکل شوي دي او داسې اسان ميتود ليکوالانو نه دی موندلی، يا يې نه دی غوره کړی چې داسې کتابونه ټولنې ته وړاندې کړي چې زموږ ټول ځوانان يې پرته له ستونزې ولولي، يا د دوی په روان ښه اغېز وکړي. بس هغه پخوانی وچ کلک ميتود دی او وچ کلک مالومات وړاندې کېږي.

له ليکوالو او په ټوله کې له اړونده وزارتونو مې هېله ده چې د علمي کتابونو لپاره د دې لپاره چې په ځوانانو کې د مطالعې کولو فرهنګ پياوړی کړي يو اسان ميتود جوړ کړي او په ډېره ښه ژبه دې علمي کتابونه ټولنې ته وړاندې کړي، د دې لپاره بېلابېلې لارې شته.

ما څه موده مخکې په يوې بلې ليکنې کې يوه بېلګه هم ورکړې وه، ما د ميرويس نيکه تاريخ څو ځل لوستی، خو په وچ زور مې لوستی، داسې لکه څوک چې يې راباندې په زوره لولي، خو کله چې نصير احمد احمدي د «نيکه» ناول وليکو او د ميرويس نيکه تاريخ مې پکې په هنري ژبه په خوند خوند ولوستو او بيا بيا مې زړه کېږي چې ويې لولم، هم مې ترې خوند واخيست، هم مې فکر کې پاتې شو او هم مې د مطالعې سره مينه پيدا شوه.

ما بيا وړانديز وکړ چې زموږ د علمي، تاريخي، ادبي، ټولنيزو او نورو ليکنو او کتابونو لپاره که دغه ډول ميتود جوړ شي، يا دې ته ورته نورې لارې چارې چې هم يې زموږ ځوانان ولولي او هم د دوی په حافظه کې پاتې شي نو دا به غوره کار وي.

ځکه زموږ ټولنه اوس په هغه حالات کې نه ده چې ځوانان مو دې هر ډول کتابونه ولولي يا يې د لوستلو حوصله ولري، زموږ ځوانان دوه ډوله کتابونه ښه په مينه لولي، ناول او شعر، که څه هم د دې کتابونو لوستل هم بې ګټې نه دي، ناول موږ ته د ژوند تجربې راښيي او شعر راته د ژوند خوند خو د دې سره سره بايد موږ خپله مالوماتي او علمي پانګه هم اضافه کړو او علمي کتابونه ولولو.

ځوانان د دې لپاره چې د مطالعې حوصله يې لوړه شي او ورسره عادت شي لکه مخکې چې مې يادونه وکړه هره ورځ دې مطالعه وکړي، منظم مهالوېش دې ورته جوړ کړي.

بل کار چې د مطالعې سره د لوستونکي لېوالتيا پيدا کوي د ناول لوستل دي، کوښښ وکړئ، بېلابېل ناولونه ولولئ.

دغه راز د هغو کتابونو لوستو ته لومړيتوب ورکړئ چې تاسو علاقه ورسره لرئ، مثلاً که د ادب سره مينه لرئ ادبي کتابونه ولولئ، که د تاريخ سره علاقه لرئ تاريخي کتابونه او که د فلسفې سره مو ذوق اړخ لګاوه فلسفه ولولئ چې دا تاسو سره مرسته کوي ترڅو مو په کرار کرار د خپل ذوق پرته د نورو کتابونو له مطالعې سره عادت کړي.

وروستيو کې يوې خبرې باندې بيا ټينګار کووم چې هره ورځ يوڅه ولولئ، لومړيو کې به سخته وي خو وروسته به دومره روږدي شئ چې پرته له مطالعې به مو وخت نه تېرېږي.

درنښت

بصيرالحق عادل

اراکوزيا پوهنتون

۱۳۹۶/۱۱/۲۳

413 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2