Categories

اعلان

Loading…

په تهران کې د پولیسو او دروېشانو په شخړو کې لږترلږه ۵ تنه وژل شوي

تاند- د ایران په پلازمېنه تهران کې له دروېشانو سره د پولیسو او دولتي ملېشو په نښتو کې لږترلږه ۵ دولتي ځواکونه وژل شوي او ۳۰ نور ژوبل دي.

ایراني خبري اژانسونه د دروېشانو د مرګ ژوبلو په اړه څه نه دي ویلي خو ویلي یې دي چې د هغو ۳۰۰ تنه نیول شوي او بلوا، چې تېره شپه پیل شوې وه، سهار پای ته ورسېده.

د تهران په شمال کې د پېښې سیمه د امنیتي ځواکونو له لوري محاصره ده او چا ته د تګ راتګ اجازه نه ورکوي.

لانجه هغه مهال پیل شوه چې امنیتي ځواکونو، په شخصي جامو کې هڅه وکړه چې د دروېشانو (د صوفیانو د طریقت یوه ډله) د یوه مشر کور ته په زور ننوځي. دروېشانو اجازه ورنه کړه.

په دغه کور کې دروېشان د خپل یوه بل مشر نعمت الله ریاحي د نیول کېدو په اعتراض کې راغونډ شوي ول.

ایراني رسنۍ وايي چې پولیس او د بسیج ملېشه د دروېشانو له لوري د موټر او چاقوګانو په وسیله وژل شوي یا ټپیان شوي دي.

ایراني چارواکو دروېشان په خرافاتو تورن کړي دي.

74 total views, 1 views today

Leave a Reply

Your email address will not be published. Required fields are marked *