Categories

اعلان

Loading…

د ډاکټر نجيب له کوره اوس هم د حق ناره پورته کيږي

شکور کامران

ډاکټر نجيب الله په ترېنګلو حالاتو کې واک ته ورسېد. د هېواد ډېره برخه کنډواله او له خلکو خالي شوې وه، لا هم ګرمه جګړه روانه وه؛ تر دې چې يو مهال په يو وخت شلو ځايونو کې جبهه يي جګړه نښتې وه. د جګړې د سخت حالت مديريت، د خلکو يو ساتل، هېودانۍ چارې او سياست مخته وړل، د بېلابېلو هېوادونو او سازمانونو د لاسوهنو مخنيوی او په همدې حال کې په لازم تدبير د جنګ خاتمه لوی مسوليت او سخته دنده وه.

نجيب الله د يو پوه سياستوال او ولسي مشر په توګه په خپلو مسوليتونو کې تر ډېره بريالی و. د سړې جګړې د مهمو او سري رازونو او د جګړې له موخو اګاه و، نو ځکه يې په لومړي ځل ملي مصالحه اعلان کړه او د سولې د رښتيني غوښتونکي په توګه يې ټولو جګړه مارو ته د خبرو او روغې، جوړې لاس ور اوږد کړ. سولې ته د رښتيني نيت لرلو يو ثبوت دا و، چې د جګړې په ډګر کې تر ډېره په دفاعي حالت کې و. شوروي ته يې قناعت ورکړ چې د افغانانو د خپلمنځي خبرو له لارې روانه پېچلې مسله يوه حل ته رسېدی شي. د پخواني شوروي د رقيبانو لخوا د ياد زبر ځواک له ماتې او د سرو پوځونو له وتو سره يې د جګړه مارو د زړه راخپلولو او سولې ته د رسېدو لپاره د ملي نجات ورځ اعلان کړه. دا چې له نوموړي سره د جنګېدونکو خلکو قيضه د نورو په لاس کې وه او مستقلانه حرکت يې نشو کولی، نو له دې اعلان سره هم جنګيالي ورپخلا نشول او هم يې د شوروي لاسنيوی له لاسه ورکړ.

نجيب د جګړې له قومندانانو او د حربي ګوندونو له مشرانو سره د ناستې وړانديزونه او عملي اقدامات وکړل، آن تر دې چې د يوې مهم جنګي ډلې مشر ته يې ويلي و، چې دولس وزيران او جنرالان مې در سره د ضمانت په توګه بوزه، خو ته راشه راسره کېنه، چې په خبره سر سره خلاص او جګړې ته پای ورکړو، خو د دې او ورته هڅو سربېره هم د مکې قسم خورو د وطن بربادي ته دوام ورکړ؛ ځکه چې په وروستيو کې نه بهرنی پوځي و او نه بله کومه اصولي پلمه، خو د نورو په خوښه جګړه روانه وه.

شرعي اصل دی چې له قانوني دولت سره جګړه کوونکې ډله / ډلې ياغي دي او بايد ټول مسلمانان يې پر وړاندې ودريږي، خو د دين ټېکه دارانو د عرب او غرب په بې حسابه پيسو د سر سړي تر داره رسول او د تاريخ قضاوت يې هېر و.

جهاديانو په داسې حال کې په بېلابېلو نومونو او حيلو د خلکو مرۍ غوڅولې، چې کليمه به يې ويله او ورته ويل يې چې موږ مسلمانان يو، خو د دينکارانو پر وړاندې يې ايمان او اسلام د منلو نه و.

ډاکټر نجيب د دين د نوم او جامې له ډېرو استعمالوونکو د قرآنکريم ايتونه او حديثونه ښه زده و، کليمه ويله او لمونځ يې کاوه، خو د دينکارانو په کرغېړن فکر تر پايه اسراييل او واجب القتل پاتې شو.

نجيب تر پايه د حق خبرې جنډه پورته کړې وه، له ياغي ډلو سره د بې قيد او شرطه سولې په خبره ولاړ پاتې شو او د څوکۍ او بل هر څه په بدل کې د جګړې خاتمې ته ولاړ و. حق دا و، چې نور خلک دربدره نشي، وطن وران نشي، د کفر په کاذبو فتواوو د خدای د نازولو بندګانو مرۍ پرې نشي او د ستر څښتن تعالی دا قول عملي شي چې والصلح خیر.

څو ځله يې قرآن عظيم الشان رااخيستی او ويلي يې دي چې په همدې کلام الله مجيد خبرې سره کوو، خو مقابل لوری دومره ناځوانه و، چې د خدای په کور کې، د خدای په کلام په کړو قسمونو وختل او خپل ملعونيت ته يې خپله ثبوت وړاندې کړ.

په هېواد کې د روانې جګړې يو څلوېښتم کال دی، که د دې څو چنده نور هم دوام وکړي، وروستی مورچل بيا هم خبرې او سوله ده. نجيب د ارامي لپاره واک هغو کسانو ته پرېښود چې ځانونه ورته د خدای دوستان او استازي ښکارېدل، خو همدوی د جهاد په نوم داسې چنګيزي وحشتونه وکړل چې تاريخ يې په يادولو شرميږي.

د دين په نوم يې د واک د وحشي تندې لپاره په خونړيو جګړو کې ابادۍ په کنډوالو واړولې، زرګونه انسان يې ووژل، لسګونه جوماتونه يې شهيدان کړل او بې شمېره نور نه جبرانېدونکي زيانونه؛ خو نن د جهاد په نوم ډېری هماغه جګړه کوونکي د پښېماني لاسونه مروړي او هېڅ په لاس نه ورځي. مړ نجيب په اصطلاح د جهاديانو له ژونديو مشرانو ډېر محبوب او تاريخ يې ګټلی دی.

نجيب په ژوند هم د منځلاري او سولې حق ناره پورته کړې وه او له فزيکي نشتون وروسته يې هم رغنيزه فکري لاره روانه ده. د ډاکټر نجيب کور د ګردېز په مهلن سيمه کې دی، که څه هم په خپل کلي کې شته کلا يې د ډېر وخت په تېرېدو او لازمې نه پاملرنې خرابه شوې، خو د دې لويې کلا په هغه برج چې د نجيب د کور برخه ده، اوس هم د کلي د جومات لاوډسپيکر لګېدلی، پنځه وخته د حق ناره ترې پورته کيږي او لا هم خلکو ته ترې د مينې او سولې بلنه ورکول کيږي، هغه ناره چې ډېرو بې لارو ته د درک نده.

626 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2