Categories

اعلان

Loading…

انجنیر محمد خان د الیکترونیکي تذکرو په اړه د عبدالله د دریځ مخالفت وکړ

تاند- د اجرايي ريیس لومړي مرستیال انجنیر محمد خان د الیکترونیکي تذکرو د وېش ملاتړ وکړ او ویې ویل باید په دې پروسه کې هیڅ راز ځنډ او خنډ پېښ نه شي.

د اجرايي ریاست د لومړي مرستیال له دفتره په خپره شوې خبرپاڼه کې د انجنیر محمد خان له لوري ویل شوي« د الکترونیکي تذکرو ویش یوه ملي پروسه ده چې ټول قانوني مراحل یې بشپړشوي،په دې اړه هیڅ ډول قانوني خنډ او ستونزه وجود نلري.

الکترونیکي تذکرې د امنیت ، سیاسي ثبات، متوازن انکشاف او ټولنیز عدالت په راوستلو کې رغنده او اساسي رول لري، په همدې اساس د الکترونیکي تذکرو ویش دوخت جدي اړتیا او د ولس غوښتنه ده.»

دا په داسې حال کې ده چې اجرايي رييس عبدالله عبدالله د الیکترونیکي تذکرې د وېش د درېدو غوښتنه کړې او ویلي یې دي چې لومړی باید د تذکرې په اړه اجماع او عمومي توافق ترلاسه شي.

د اجرايي ريیس لومړي مرستیال د الیکترونیکي تذکرو د وېش په ملاتړ کې ویلي« موږ د دغې ملي پروسې په وړاندې د ستونزو جوړول د هیواد اوملت په زیان بولو، هیله مو دا ده چې نور دغه ملي بهیر د سیاسي معاملو ښکار نه شي او دا پروسه په چټکۍ سره بشپړه شي. »

دا لومړی ځل دی چې انجنیر محمد خان په یوه موضوع کې له اجرايي ريیس ښاغلي عبدالله سره اختلاف ښيي.

عبدالله او پلویان یې په الیکترونیکي تذکره کې د ملیت (افغان) او قومیت له درج کېدو سره مخالفت ښيي.

خو د ولسمشر غني پلوي چارواکي وايي چې عبدالله مخکې له دې سره موافقه کړې وه چې په نویو الیکترونیکي تذکرو کې دې ملیت او قومیت ذکر شي.

د کابل ځینو ورځپاڼو نن لیکلي چې د الیکترونیکي تذکرو د وېش مخالفان په اصل کې د قومیت له لیکلو سره مخالف دي ځکه چې که قومیت څرګند شي، په دولتي ادارو کې به د قومونو ونډه او په لوی سر کې په هیواد کې د قومونو تناسب معلوم شي.

افغانستان ما ورځپاڼې په دې اړه لیکلي:«  ډاکټر عبدالله په ګډون یو شمیر سیاستوال په پیژند پاڼو کې د قوم د نوم د لیکلو غوښتونکي وو خو اوس یې په دریځ کې بدلون راغلی دی. ورځپاڼې د دغه بهیر د پیل په اړه د حکومت پریکړی ته په اشارې لیکلي دي چې دغه پیل باید په نیک فال ونیول شي، خو ملي اجماع هم له پامه و نه غورځولی شي.»

سرخط ورځپاڼې بیا لیکلي:« کومو ډلو چې د قوم د نوم د نه موجودیت په خاطر یې دا بهیر له ځنډ سره مخ کړی وو، اوس وایي چې نه غواړي د قوم نوم په پيژند پاڼه کې ولیکلي شي چې د ورځپاڼې په وینا دا کار په خلکو ملنډی وهل دي.»

801 total views, 3 views today

3 comments

  1. سهاک Reply

    زه په داسې حال کې چې د ښاغلي انجنیر صیب محمد خان د دې غوڅ او قاطع دريځ ملاتړ کوم ، له ټولو هېوادوالو نه هيله کوم چې د ولسي جرګې له خوا تصویب شوی قانون چې لا پخوا د افغانستان د اسلامي جمهوریت ولسمشر جلالتمآب دوکتور محمد اشرف غني له خوا توشیح شوي ، ملاتړ وکړي د خپل هېواد د سیاسي او امنیتي ثبات ، ملي منافعو او نړیوالو نورمونو مطابق ژر تر ژره نوې تذکري واخلي. له خپلو حقوقو نه ګټه واخلي او د ضرورت په وخت کې له هغو استفاده وکړي.
    د تذکرو په درلودلو سره تاسې له هېواد نه د باندې د سفر اسناد یعنې پاسپورت او ویزه ، د الوتکې ټکټ اخیستلی شي، مځکه ، کور ، دکان ، فابریکه او نورو غیر منقول ملکیت اخیستلی شي، خپل ماشومان په ښوونځي ، پوهنتون او نورو درسي موسیساتو کې شاملولی شي. په همدې ترتیب سره تاسو په انتخاباتو کې شرکت کولی شي هم رایه ورکولی شي او هم ځان کاندیدولی شي .په دولتي موسساتو کې کار او دنده ترسره کولی شي …

  2. سلیم Reply

    ایله په ایله چې از کلوخ آتش پرید

  3. shams Reply

    انجینر صاحب آخر هم خپل افغانیت وښود مننه انجینر صاحب

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2